+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Jaqynda dúnıeden ótken Satybaldy Narymbetov fılminiń túsirilimin onyń uly aıaqtaıdy

2021 jylǵy 23 shilde 23:11
Bólisińiz:
Jaqynda dúnıeden ótken Satybaldy Narymbetov fılminiń túsirilimin onyń uly aıaqtaıdy

ALMATY. QazAqparat - Búgin QR Mádenıet jáne sport mınıstri Aqtoty Raıymqulovanyń tapsyrmasy boıynsha «Qazaqfılm» kınostýdııasyna QR Mádenıet jáne sport vıtse-mınıstri Nurǵısa Dáýeshov pen QR Mádenıet jáne sport mınıstrligi mádenıet komıtetiniń tóraǵasy Aqan Ábdýálıev resmı saparmen keldi, dep habarlaıdy QazAqparat.

Uqsas jańalyqtar
«Barymtashylar. Ýaqyt joly» fılmi otandyq prokatqa shyqty Ábish Kekilbaev povesiniń jelisimen túsirilgen fılm halyqaralyq kınofestıvalge qatysady Elimizde fılmniń túpnusqasyn mindetti túrde qazaq tilinde dýblıajdaý talaby engizilmek

Nur-Cultan qalasynan kelgen delegatsııa shildeniń 8-i kúni ómirden ótken rejısser Satybaldy Narymbetovtyń «Jańǵyryq» kınokartınasyna qatysty birqatar máselelerdi talqylaý úshin kınogerlermen kezdesti.

Kezdesýdiń negizgi maqsaty – «Jańǵyryq» fılmin aıaqtaıtyn qoıýshy-rejısserdi bekitý boıynsha túpkilikti sheshim qabyldaý.

Kezdesýge Qazaqstannyń eńbek sińirgen qaıratkeri, jazýshy, kınodramatýrg Smaǵul Elýbaev, Qazaqstannyń eńbek sińirgen qaıratkeri, kınodramatýrg, «Jańǵyryq» fılminiń teń stsenarıı avtory Nurlan Sanjar, Qazaqstannyń eńbek sińirgen qaıratkeri, rejısser Bolat Qalymbetov, rejısser Tomash Tot, Satybaldy Narymbetovtyń uly Asqar-Muhıt Narymbetov, «Qazaqfılm» kınostýdııasynyń basshylyǵy jáne basqa kınogerler qatysty.

Talqylanatyn máseleler boıynsha oı qosý úshin KSRO Halyq ártisi, QR Eńbek Eri Asanáli Áshimov, Qazaqstannyń halyq ártisi Tuńǵyshbaı Jamanqulov jáne «Jańǵyryq» fılminiń qoıýshy-operatory, rejısserdiń kishi uly Eskendir Narymbetov ZOOM arqyly kezdesýge qosyldy.

QR Mádenıet jáne sport vıtse-mınıstri N.Dáýeshov kezdesýdiń barlyq qatysýshylaryna alǵysyn bildirip, belgili kınorejısser Satybaldy Narymbetovtyń ólimi búkil qazaq mádenıeti úshin orny tolmas qaza ekenin atap ótti.

- Mádenıet jáne sport mınıstri Aqtoty Raıymqulova fılmniń qoıýshy-rejısseri retinde marqum rejısser Satybaldy Narymbetovtyń uly Asqar-Muhıt Narymbetovty usynǵanyn jaqsy bilesizder. Osyǵan baılanysty biz búgin sizdermen birge túpkilikti sheshim qabyldaý úshin jınalyp otyrmyz, óıtkeni Satybaldy Narymbetovtyń murasy aıaqtalýy tıis, - dedi vıtse-mınıstr.

- Men búgin osy mańyzdy máseleni talqylaýǵa jınalǵanymyzǵa óte qýanyshtymyn. Satybaldy Narymbetovtyń uldary árdaıym ákesimen birge bolǵan jáne jobanyń barlyq egjeı-tegjeıin jaqsy biledi, barlyq materıaldardy biledi. Sondyqtan men Asqar-Muhıttyń rejısser bolǵanyn qoldaımyn, - dep KSRO Halyq ártisi, kınostýdııanyń kórkemdik jetekshisi Asanáli Áshimov lebizin bildirdi.

- Satybaldy ómir boıy uldaryna kıno ónerine degen súıispenshilikti sińdirip, ábden daıyndady. Bireýin operator, ekinshisin rejısser qylyp tárbıeledi. Olar Narymbetovtyń balalary ǵana emes, onyń shákirtteri de, sondyqtan da uldary ákesiniń bastaǵan isin laıyqty aıaqtaıtynyna senimdimin, - dedi, jazýshy Smaǵul Elýbaev.

Zoom arqyly sóz sóılegen Qazaqstannyń halyq ártisi Tuńǵyshbaı Jamanqulov mınıstr Aqtoty Raıymqulovanyń qoıýshy-rejısser Asqar-Muhıt Narymbetovti taǵaıyndaý týraly usynysyn qoldaıtynyn aıtyp, fılmniń laıyqty bolatynyna senim bildirdi.

- Biz stsenarııdi tórt jylda jazdyq, ol tolyǵymen daıyn. Meniń oıymsha, Asqar-Muhıt jobany aıaqtaýy tıis, al eger qajet bolsa, biz bárimiz kómektesýge daıynbyz, – dedi stsenarıı soavtory Nurlan Sanjar.

- Aıtylǵan jyly lebizderińiz úshin alǵys aıtamyn. Biz fılmniń shyǵarmashylyq ujymymen kelissóz júrgizdik, olar jumysty jalǵastyrýǵa daıyn ekenin habarlady. Sondaı-aq, biz búgin kezdesýge qatysyp otyrǵan rejısser Tomashtyń jobada jumys istegenin qalaımyz, óıtkeni ol jobanyń bastaýynda turdy, ákemizben etene aralasty, - dedi qoıýshy-operator Eskendir Narymbetov.

Kezdesý nátıjesinde Asqar-Muhıt Narymbetovtyń kandıdatýrasy biraýyzdan qoldaý tapty.

Satybaldy Narymbetovtyń uly Asqar-Muhıt jınalǵan qaýymǵa senimi úshin alǵysyn bildirip, qazirgi ýaqytta ol barlyq materıaldardy zerttep jatqanyn jáne 2021 jyldyń 26 shildesindegi dúısenbige qaraı kınostýdııa basshylyǵyna túsirilimdi aıaqtaý úshin óz usynysyn joldaıtynyn habarlady.

Esterińizge sala keteıik, rejısser Satybaldy Narymbetovtyń polıak jazýshysy, aıdaýǵa ketken revolıýtsıoner jáne dalanyń etnografııalyq qundylyqtardy jınaýshy Adolf ıAnýshkevıchtiń taǵdyry týraly baıandaıtyn «Jańǵyryq» fılmi 2019 jylǵy aqpan aıynyń basynda óndiriske jiberilgen bolatyn.

Kartınanyń jalpy bıýdjeti 640 000 000 teńgeni qurady, onyń ishinde 2019 jyly túsirilim toby daıyndyq aldyndaǵy jáne ishinara daıyndyq kezeńderi sheńberinde 240 926 000 teńgeni ıgerdi.

2019 jylǵy 29 qarashadan bastap atalǵan kınojoba kınostýdııanyń sol kezdegi basshylyǵynyń buıryǵymen konservatsııaǵa qoıyldy.

2020 jylǵy naýryzda QR Mádenıet jáne sport mınıstrligi men «Qazaqfılm» kınostýdııasy arasynda shart jasaldy, onyń sheńberinde «Jańǵyryq» fılmin shyǵarýdy jalǵastyrýǵa qalǵan somanyń 30% (399 074 000 teńge) - 119 722 200 tg bólindi.

Alaıda, koronavırýs ınfektsııasynyń pandemııasy jáne elde jarııalanǵan karantın rejımine baılanysty túsirilim protsesinde ózgerister engizildi.

Kartınanyń túsirilimi avtorlardyń oıynsha tek Qazaqstanda ǵana emes, Vengrııada da ótýi kerek bolǵan. Ókinishke qaraı, sol kezde búkil álemde qalyptasqan óte qaýipti jaǵdaıǵa baılanysty bul múmkin bolmady.

Sonymen qatar, Adolf ıAnýshkevıchtiń róline akter, Polsha azamaty Petr Polak bekitilgenin aıta ketken jón.

Bıýdjet qarajatyn tıimdi paıdalaný maqsatynda QR Mádenıet jáne sport mınıstrligi men «Sh.Aımanov atyndaǵy «Qazaqfılm» AQ arasyndaǵy №32 shart buzyldy.

Avans tolyǵymen memlekettik bıýdjetke qaıtaryldy.

2021 jyly Sh.Aımanov atyndaǵy «Qazaqfılm» AQ Mádenıet jáne sport mınıstrligine 399 074 000 teńge kóleminde tolyqmetrajdy kórkem fılmdi aıaqtaýǵa qosymsha ótinim berdi.

Qoldanystaǵy zańnamanyń talaptaryna sáıkes, buryn qaıtarylǵan qarajatty alý úshin tıisti rásimderdi, onyń ishinde respýblıkalyq bıýdjet komıssııasynyń maquldaýyn júrgizý qajet.

Osyǵan baılanysty «Jańǵyryq» kınokartınasyn qarjylandyrý máselesi 2021 jylǵa arnalǵan respýblıkalyq bıýdjetti naqtylaý kezinde respýblıkalyq bıýdjet komıssııasynyń qaraýyna shyǵaryldy jáne qoldaý tapty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT