+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Jaqsylyq Úshkempirov týraly kórkem fılmniń tusaýkeseri ótti

2019 jylǵy 22 jeltoqsan 08:36
Bólisińiz:
Jaqsylyq Úshkempirov týraly kórkem fılmniń tusaýkeseri ótti

ALMATY. QazAqparat - Almaty qalasyndaǵy Kinoplexx Sary Arka kınoteatrynda «Jaqsylyq» kórkem fılmniń tusaýkeseri ótti, dep habarlaıdy QazAqparat «Qazaqfılm» kınostýdııasyna silteme jasap.

Uqsas jańalyqtar
Túrkistan qalasy týraly jańa fılm shyqty Qaraǵandy oblysynda «Qazaqfılm» kúnderi ótedi Ábý-Dabıde «Qunanbaı» fılmi kórsetiledi

Fılmniń qoıýshy rejısseri ári stsenarıı avtory – Baqyt Qaıyrbekov. Kórkem fılmdi tamashalaýǵa jınalǵan kórermen kınoteatr zalynda bos oryn qaldyrmady. Tipti jınalǵandar birazy fılmdi túregep turyp tamashalady. Al kórsetilimniń sońynda olar uzaq ýaqyt qol soqty.

QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ jáne Mergen studio kompanııasy túsirgen bıografııalyq fılm Qazaqstannyń Eńbek Eri, grek-rım kúresiniń palýany, Álem chempıony, Olımpıada chempıony, SSSR-ǵa eńbek sińirgen sport sheberi, Qazaq SSR eńbek sińirgen jattyqtyrýshysy – Jaqsylyq Úshkempirovtiń ómiri týraly baıandaıdy.

Fılmniń tusaýkeserine QR Mádenıet jáne sport vıtse-mınıstri Úrken Bısaqaev, Qazaqstannyń eńbek sińirgen qaıratkeri, «Qazaqfılm» kınostýdııasynyń prezıdenti Arman Ásenov, rejısser Baqyt Qaıyrbekov bastaǵan fılmniń túsirý toby jáne Jaqsylyq Úshkempirovtiń ózi qatysty.

«Búgin qazaq kınosy úshin aıtýly kún – búgin biz nazarlaryńyzǵa qazaqtyń baǵyna bitken batyry - Jaqsylyq Úshkempirovtyń ómiri men sporttaǵy jolyna arnalǵan kórkem fılmdi usynyp otyrmyz. Jaqsylyq aǵamyzdy bilmeıtin qazaq joq. Sovet zamanynda jaýyryny jer ıiskemegen balýannyń sporttaǵy jetistikteri jylnamada jazýly. Berekeli isimen de, jaıdary-jaısań minezimen de kópshiliktiń yqylasyna bólengen aǵamyzdyń sporttaǵy jetistikteri men ıgilikti isteri ózgelerge, əsirese keleshek urpaqqa úlgi bolarlyq», - dedi QR Mádenıet jáne sport vıtse-mınıstri Úrken Bısaqaev.

«Qazaqfılmniń» prezıdenti Arman Ásenov aty ańyzǵa aınalǵan balýannyń ómir joly men sporttaǵy jetistigine arnalǵan fılmniń tusaýkeserine osynshama halyq kelgenine óte qýanyshty ekenin jetkizdi.

«Qazaq sport tarıhynda oıyp alar orny bar, ómirin sportqa arnaǵan aǵamyz qaıtsem de chempıon bolamyn dep aldyna maqsat qoıdy jáne oǵan jetý jolynda aıanbaı ter tógip, qajyrly eńbek etti. Sondyqtan da bul fılm jas urpaqty tárbıeleýde, olardyń boıyndaǵy patrıottyq sezimdi oıatýda úlgi bolar dúnıe», - dedi Arman Ásenov.

Rejısser Baqyt Qaıyrbekovtiń aıtýynsha, bul onyń kórkem fılm janrynda túsirgen meniń alǵashqy týyndysy eken.

«Kartına 48 kg salmaqtaǵy Olımpıada chempıony bolǵan alǵashqy qazaq – Jaqsylyq Úshkempirov týraly. Ol túrli memleket dárejesindegi jarystarǵa qatysyp, júldeli oryndardan kórinse de, sportshyǵa halyqaralyq arenalarǵa shyǵýǵa múmkindik bermegen. Tek 1980 jyly ǵana ol Máskeýde ótken Olımpıada oıyndaryna qatysýǵa joldama alyp, álemdik deńgeıde ónerin kórsete aldy. Fılm Ońtústik Qazaqstan aýyldarynyń birinde dúnıege kelgen sportshynyń balalyq shaǵynan bastap, Olımpıada oıyndarynda jetken jetistikterine deıingi ómir jolyn beıneleıdi», - dedi rejısser.

Jaqsylyq Úshkempirov fılmniń túsirý tobyna, akterlerge alǵys attıy.

«Bul fılm men úshin emes, keleshek urpaq úshin kerek. Meniń jolymdy qýǵan olımpıada chempıondary kóp bolsyn dep tileımin», - dedi Jaqsylyq Úshkempirov.

Daıyndyq kezeńde uıymdastyrylǵan kastıng nátıjesinde Jaqsylyq Úshkempirovtiń jastyq shaǵy men er jetken kezin Elnar Nazarqul, Sanúrjan Súleımenov jáne teatr akteri Oljas Saq somdady. Al 60 jastaǵy sportshynyń róline Qazaqstannyń halyq artısi, Jezqazǵan teatrynyń akteri Dosjan Janbotaev shaqyrylǵan.

Aıta ketsek, sporttyq drama Óskemende, Almatyda jáne Almaty oblysynda túsirildi. 1980 jyly Máskeýde ótken Olımpıada oıyndarynyń sahnalary Taldyqorǵan qalasyndaǵy «Jastar» sport saraıynda, sondaı-aq Mınskidegi (Belarýs Respýblıkasy) «Dınamo» stadıonynda túsirildi. Al sportshylarǵa arnalǵan Olımpıada aýylyn kórsetý úshin túsirilimder Belarýs elindegi «Staıkı» atty Respýblıkalyq olımpıadalyq daıarlaý ortalyǵynda ótkizildi.

Bizdiń kanalymyzǵa jazylyńyz:

Basty sózder: Almaty, Sport, Mádenıet,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT