+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Zeınetkerdi qutqaram dep kúıip qalǵan jigitke Aqtóbe turǵyny páter syılady

2020 jylǵy 23 aqpan 16:15
Bólisińiz:
Zeınetkerdi qutqaram dep kúıip qalǵan jigitke Aqtóbe turǵyny páter syılady

AQTÓBE. QazAqparat - Artem Golovnıa qazir Nur - Sultan qalasynda em qabyldap jatyr. Erlik jasaǵan jigitke aqtóbelik páter syılady, dep habarlaıdy QazAqparat tilshisi.

Uqsas jańalyqtar
Qazaqstan ormandary men dala alqaptarynda sońǵy eki táýlikte 57 ret órt shyqqan Nura ózeniniń ruqsat etilmegen jerinde shomylmaq bolǵan 20 jastaǵy jigit sýǵa batyp ketti Elordada bazar órtendi

Artem Golovnıa órt bolyp jatqan jerden zeınetkerdi aman alyp shyqqan bolatyn. Osy oqıǵa kezinde onyń ózi de qatty zardap shegip, birneshe aı boıy aýrýhanada em qabyldady. Keıin ota jasaý úshin elordaǵa jiberildi.

«Artem úshin berilgen páter qazir meniń atyma jazylyp jatyr. Sebebi balam Nur - Sultan qalasynda em qabyldaýda. Qozǵalýǵa múmkindigi joq. Sál qımyldasa jaraqaty qanap, mazasy ketedi. Oǵan Aqtóbede eki ret ota jasaldy. Biraq nátıje mardymsyz. Kómek surap jan-jaqqa barǵanymmen bári kútý qajet ekenin eskertti. Sodan bul habar áleýmettik jeli, volonterler arqyly keń tarap, Artemdi elordaǵa alyp ketti. Qazir jaǵdaıy birqalypty. Tek aman-esen ortaǵa oralǵanyn kútip otyrmyz», - dedi anasy Galına Golovnıa.

Nur-Sultan qalasynda oǵan birneshe ota jasalatyn bolydy. Aldymen aıaǵyna jańa teri salynady. Keıin arqasyndaǵy jara orny emdeledi. Artem tósekke tańylǵan.

«Balam elordadaǵy kútimniń jaqsy ekenin aıtyp, kóńili jaılandy. Biz amandyǵyn tileımiz. Al jańa páterge kelesi aıda kiremiz. Bizge baspana ishine jóndeý jasap bermek. Alǵysymyz sheksiz. Alǵashynda senbedim, qazir qujattary daıyndalýda», - dedi G. Golovnıa.

Aıta keteıik, Artemge aqtóbelik kásipker Keralaın Serdalına kómek kórsetti. «Halyq praıs» kompanııasynyń jetekshisi erlik jasaǵandardyń eńbegi elenýi kerek dep esepteıdi.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT