+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Zeınetaqyny paıdalaný: Qazaqstandyqtardyń 250 myń ótinimi nege qabyldanbady

2021 jylǵy 13 maýsym 23:01
Bólisińiz:
Zeınetaqyny paıdalaný: Qazaqstandyqtardyń 250 myń ótinimi nege qabyldanbady

NUR-SULTAN. QazAqparat – Biryńǵaı jınaqtaýshy zeınetaqy qory birjolǵy zeınetaqy tólemderin paıdalanýǵa bolatyn úsh baǵyt boıynsha barlyǵy 326 973 ótinimdi maquldady, dep habarlaıdy QazAqparat.

2021 jyldyń 10 maýsymyndaǵy jaǵdaıy boıynsha, BJZQ-ǵa ýákiletti operatorlardan:

- turǵyn úı jaǵdaıyn jaqsartý úshin 561 167 (qabyldanbaǵany 245 931) ótinim,

- emdelýge 13 595 (qabyldanbaǵany 3 781) ótinim,

- ınvestıtsııalyq portfeldi basqarýshylarǵa aýdarýǵa 2 352 (qabyldanbaǵany 429) ótinim kelip tústi.⠀

ıAǵnı, BJZQ birjolǵy zeınetaqy tólemderin paıdalanýǵa bolatyn úsh baǵyt boıynsha barlyǵy 326 973 ótinimdi maquldady.

Al qabyldanbaı qalǵan ótinimderdiń sebebi kelesideı:
1. Somanyń durys kórsetilmeýi, onyń ishinde zeınetaqy jınaqtarynyń somasy artyq kórsetilgen.
2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
3. Salymshylar alýǵa bolatyn soma sheginde emes, zeınetaqy jınaqtarynyń búkil somasyn kórsetken.
4. Ótinimde ózekti emes somalar kórsetilgen, ıaǵnı salymshylar ınvestıtsııalyq tabystyń naryqtyq aýytqýyna baılanysty zeınetaqy jınaqtary somasyndaǵy ózgeristerdi eskermegen.
5. «BJZQ» AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan ótinimderdiń túsýi.
6. Salymshylardyń ótinimdi qaıtalap jiberýi.

Eske salaıyq, buǵan deıin QR Prezıdentiniń baspasóz hatshysy Berik Ýálı Memleket basshysy Qasym-Jomart Toqaevtyń turǵyn úı jaǵdaıyn jaqsartý úshin zeınetaqy jınaqtaryn paıdalanýǵa berý jónindegi tapsyrmasynyń oryndalýy týraly aralyq nátıjelerdi usynǵan bolatyn. Usynylǵan málimetke sáıkes, qazaqstandyqtar 356,4 mlrd teńge zeınetaqysyn baspanaǵa jumsaǵan.

Qazaqstan azamattaryna Biryńǵaı jınaqtaýshy zeınetaqy qoryndaǵy jınaqtarynyń bir bóligin paıdalaný quqyǵy bıylǵy jyl basynan bastap berildi.

QR Prezıdenti tıisti zańǵa 2 qańtarda qol qoıdy.





Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT