+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Zeınetaqy jınaǵyn paıdalaný: Jańa «jetkiliktilik shegi» naqtylandy

2021 jylǵy 6 qańtar 19:25
Bólisińiz:
Zeınetaqy jınaǵyn paıdalaný: Jańa «jetkiliktilik shegi» naqtylandy

NUR-SULTAN. QazAqparat – Bıyldan bastap Qazaqstan azamattary Biryńǵaı jınaqtaýshy zeınetaqy qoryndaǵy jınaqtarynyń bir bóligin paıdalana alady. Osy oraıda qordaǵy qarjyny merziminen buryn maqsatty paıdalanýǵa qatysty el halqyna bıylǵa arnalǵan «jetkiliktilik shektiń» kestesin jarııalady.

Eske salsaq, 2020 jyldyń qyrkúıek aıynda atalǵan «jetkiliktilik shektiń» aldyn ala jobasy taratylǵan edi.

Búgin jarııalanǵan kestede qarjy somasyna qatysty birshama ózgeris bar ekendigi baıqalyp otyr.

Maqsatty paıdalaný úshin qoljetimdi zeınetaqy jınaqtarynyń somasy týraly aqparatty jáne zeınetaqy jınaqtarynyń jaı-kúıi týraly derekterdi mynadaı tásildermen alýǵa bolady:

1. BJZQ saıty jáne salymshynyń Jeke kabıneti arqyly. Ol úshin JSN men qupııasózdi engizý qajet, nemese elektrondyq tsıfrlyq qoltańba (ETsQ) bolýy kerek.

Sonymen qatar, zeınetaqy jınaqtarynyń jaǵdaıy týraly aqparat alýǵa múmkindik beretin qosymsha cabinet.enpf.kz/porog týraly aqparat taratylǵan, ıaǵnı onda zeınetaqy shotyndaǵy qaldyq, shekti soma, alýǵa bolatyn soma qamtylady. Bul aqparatty alý úshin tek ESQ kiltimen qol qoıý kerek. ESQ-ny Ulttyq sertıfıkattaý ortalyǵynyń saıtynda alýǵa bolady.

2. Zeınetaqy jınaqtarynyń jaı-kúıi týraly aqparat egov.kz saıtynda jáne eGov mobile mobıldi qosymshasy arqyly qoljetimdi. Ol úshin paıdalanýshylarǵa elektrondy-tsıfrlyq qoltańba (ETsQ) qajet.

Egov.kz saıtynyń bas mázirinde «Áleýmettik qamsyzdandyrý», odan ári «Zeınetaqymen qamsyzdandyrý» qosymsha betine ótińiz, odan keıin «Biryńǵaı jınaqtaýshy zeınetaqy qory salymshysynyń zeınetaqy jınaqtarynyń (ınvestıtsııalyq kiristi eskere otyryp) jaı-kúıi týraly aqparat berý» qosymsha paraqshasy arqyly nemese silteme boıynsha ótip bilýge bolady.

eGov mobile mobıldi qosymshasynyń «Qyzmetter», odan ári «Jumysqa ornalastyrý jáne jumyspen qamtý» bólimine ótińiz, sodan keıin «Biryńǵaı jınaqtaýshy zeınetaqy qory salymshysynyń zeınetaqy jınaqtarynyń (ınvestıtsııalyq kiristi eskere otyryp) jaı-kúıi týraly aqparat» qosymsha betine ótý arqyly.

3. Maqsatty paıdalanýǵa qoljetimdi soma týraly málimetterdi @enpf telegram-bot kómegimen alýǵa bolady.

BJZQ salymshylary 1418 qysqa nómiri boıynsha (Qazaqstan boıynsha qońyraý shalý tegin) baılanys ortalyǵy arqyly keńes ala alady, sondaı-aq qajet bolǵan jaǵdaıda BJZQ-nyń jaqyn jerdegi bólimshesine júgine alady. Barlyq mekenjaılar men baılanystar Qor saıtynda qoljetimdi.

Jınaq qaı maqsattarǵa beriledi

Qazirgi kezde Memleket basshysynyń azamattarǵa zeınetaqy jınaqtarynyń bir bóligin turǵyn úı jaǵdaılaryn jaqsartýǵa, emdelýge nemese jeke qarjy kompanııalarǵa basqarý úshin bólýge múmkindik berý tapsyrmasy oryndalyp jatyr. 2020 jylǵy 28 jeltoqsanda osy taqyrypta jaýapty vedomstolardyń ókilderi túsinik bergen bolatyn. Endi Zańǵa sáıkes 2021 jyldan bastap qazaqstandyqtarǵa zeınetaqy jınaqtarynyń bir bóligin atalǵan maqsattarda paıdalaný quqyǵy berilip otyr.

Zańǵa sáıkes 2021 jyldan bastap qazaqstandyqtarǵa zeınetaqy jınaqtarynyń bir bóligin atalǵan maqsattarda paıdalaný quqyǵy beriletin bolady.

Zeınetaqy jınaqtarynyń bir bóligin naqty qajettilikterge paıdalaný quqyǵyn kelesi azamattar paıdalana alady:

- jumys isteıtin, tıisti jasta zeınetaqy jınaqtary «jetkiliktilik sheginen» asatyn azamattar;

- saqtandyrý kompanııalarymen BJZQ-da qalǵan zeınetaqy jınaqtarynyń somasy sheginde ómir boıy annýıtettik tólemderdi qamtamasyz etetin zeınetaqy annýıteti sharttaryn jasasqan adamdar;

- zeınetkerlikke shyqqan azamattar - BJZQ-da qalǵan zeınetaqy qarajatynyń 50%-ynan aspaıtyn shekte. Eger olardyń zeınetaqysynyń jıyntyq mólsheri (jasyna baılanysty nemese eńbek sińirgen jyldary úshin zeınetaqyny, bazalyq zeınetaqyny qosa alǵanda) joǵalǵan tabysty halyqaralyq standarttarǵa sáıkes keletin deńgeıde (keminde 40%-ǵa) almastyrýdy qamtamasyz etken jaǵdaıda.

Belgili bir jastaǵy salymshy úshin onyń tabysynan BJZQ-ǵa aldaǵy 10% turaqty zeınetaqy jarnalaryn (eń tómengi jalaqydan az emes) eskere otyryp, eń tómengi zeınetaqy mólsherinen az bolmaıtyn zeınetaqy tólemderimen qamtamasyz etýge múmkindik beretin zeınetaqy jınaqtarynyń eń tómengi qajetti somasy «jetkiliktilik shegi» retinde qarastyrylady. «Jetkiliktilik shegi» áıelder men erler úshin birdeı belgilenedi jáne árbir jas úshin esepteledi. Bul rette ol qalyptasqan parametrlerge (kiristilik, ınflıatsııa, eń tómengi tólem mólsheri jáne t. b.) súıene otyryp, jańa alýshylar úshin qaıta esepteletin bolady.

«Zańda sondaı-aq joǵaryda atalǵan sanattaǵy azamattar zeınetaqy jınaqtarynyń bir bóligin ózderi, jubaılary nemese jaqyn týystary (atasy/ájesi, ata-anasy, balalary, nemereleri, aǵa-inisi/apa-sińlisi) úshin turǵyn úı jaǵdaılaryn jaqsartý maqsatynda nemese emdelýge aqy tóleýge paıdalana alady dep kózdelgen. Maqsatty paıdalaný úshin kórsetilgen otbasy músheleriniń qarajatyn biriktirýge bolady», - dedi QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov ortalyq kommýnıkatsııalar qyzmetindegi brıfıngide.

2020 jylǵy 1 jeltoqsandaǵy jaǵdaı boıynsha mynadaı sandardy keltirýge bolady: 761 myńnan astam adam merziminen buryn paıdalaný quqyǵyn qoldana alady, olardyń shottarynda 2,4 trln teńgeden astam qarajat bar.

«Otbasy bank» turǵyn úı qurylys jınaq banki» AQ basqarma tóraǵasy Lázzat Ibragımovanyń aıtýynsha, 2021 jyldyń qańtarynda «Otbasy bank» turǵyn úı jaǵdaıyn jaqsartý úshin zeınetaqy jınaǵyn paıdalanýǵa arnalǵan onlaın-platformany iske qosady.

«2021 jyldyń qańtar aıynan otbasy turǵyn úı jaǵdaıyn jaqsartý maqsatynda onlaın-platformany iske qosý josparlanǵan. Joba erejelerine sáıkes, klıent ótinish tapsyrǵan kezde sol onlaın-platformada arnaıy portalǵan kirip, elektrondyq-tsıfrlyq qoltańba arqyly avtorızatsııadan ótip, jeke kabınetke kiredi. Jeke kabınette ol qarajatty qandaı maqsatta paıdalanatynyn tańdaıdy jáne skanerden ótkizilgen kóshirmeler túrinde aldyn ala daıyndalýy tıis qujattardyń tizimimen tanysady. Ár maqsattyń jeke qujattar tizimi bar», - dep túsindirdi L. Ibragımova.

Jınaqty em-domǵa jumsaýdyń tártibi aıqyndaldy.

«Eger biryńǵaı zeınetaqy tólemderiniń jetkiliktik shegi em alýǵa paıdalanýǵa jetkilikti bolsa, onda azamat óziniń emhanasyna baryp, birjolǵy zeınetaqy tólemderi esebinen em-dom alýǵa baǵyttaý týraly dárigerlik komıssııanyń qorytyndysyn alýy kerek», - dedi QR DSM Medıtsınalyq kómekti uıymdastyrý departamenti dırektorynyń orynbasary Gúlnar Sársenbaeva.

Osy oraıda aqysy qymbat qyzmetterdiń sanatyna engen medıtsınalyq em-dom jasaý tizimin atady. Olardyń arasynda orfandyq, ıaǵnı sırek kezedesin aýrýlardy emdeý, stomatologııalyq qyzmetter, rekonstrýktıvti ári qalpyna keltirý operatsııalary (plastıkalyq), medıtsınalyq saýyqtyrý qamtylǵan. Saýyqtyrýǵa barǵan azamattar Qazaqstan aýmaǵyndaǵy medıtsınalyq uıymdar men shıpajaılarda bolady.

Munymen qosa, zeınetaqy jınaǵynyń bir bóligi esebinen oftalmologııalyq qyzmetter baǵytynda paıdalanýǵa bolady.

«Bul tizim turǵyndar arasyndaǵy suranysqa qaraı ózgerýi múmkin. Ótinish berýshi kelesi qadamda óziniń qalaýy boıynsha medıtsınalyq uıymdy tańdaıdy, onyń ishinde sheteldik uıymdar da bolýy yqtımal. Azamat ETsQ kómegimen ýákiletti operatordyń ınternet resýrsynda avtorızatsııadan ótip, óziniń jeke kabınetin aýshy tıis. Jeke kabınette tıisti somamen birjolǵy zeınetaqy tólemine elektrondy ótinimdi toltyryp, dárigerlik komıssııa qorytyndysynyń kóshirmesi men em-dom jasaıtyn medıtsınalyq uıymmen shartty belgileý kerek», - dedi ol.

Eske salsaq, 2 qańtarda QR Prezıdenti zeınetaqy jınaǵynyń bir bóligin maqsatty paıdalanýǵa qatysty zańǵa qol qoıdy.

Qazaqstandyqtardyń zeınetaqy jınaqtaryn paıdalaný úshin jańartylǵan «jetkiliktilik shegi» jarııalandy. Zeınetaqy jınaǵyn baspanaǵa jumsaýǵa arnalǵan onlaın-platforma iske qosylady. Zeınetaqy jınaǵynan alýǵa bolatyn soma BJZQ saıtynda avtomatty túrde kórsetiledi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT