Zeınetaqy jınaǵyn «Otbasy bankke» aýdarý: Depozıtti qalaı paıdalanýǵa bolady
2021 jylǵy 14 jeltoqsan 13:30

Zeınetaqy jınaǵyn «Otbasy bankke» aýdarý: Depozıtti qalaı paıdalanýǵa bolady

NUR-SULTAN. QazAqparat – «Otbasy banktiń» Instagram paraqshasynda birjolǵy zeınetaqy tólemderin (BZT) enpf-otbasy.kz onlaın-platformasy arqyly depozıtke aýdarý qashan múmkin bolatyny týraly málimet jarııalandy, dep habarlaıdy QazAqparat tilshisi.

«Dostar, jaqyn arada sizder ózińizdiń birjolǵy zeınetaqy tólemderińizdi enpf-otbasy.kz onlaın-platformasy arqyly «Otbasy banktegi» depozıtińizge aýdara alatyn bolasyzdar!

«Otbasy banktegi salymdy tolyqtyrý» batyrmasy qashan jáne qalaı paıda bolatynyn sál keıin jarııalaımyz.

Al ázirshe BZT esebinen tolyqtyrylǵan depozıtpen ne isteýge bolatyny jáne ne isteýge bolmaıtyny týraly aqparatpen tanysyńyzdar», - delingen jazbada.

Sonymen, zeınetaqy jınaǵyndaǵy tómen jetkiliktilik mólsherinen artylǵan aqshany depozıtke aýdarǵan jaǵdaıda myna áreketterdi iske asyrýǵa jol beriledi:

BZT qosylǵan depozıtterge turǵyn úı qurylys jınaǵynyń standartty sharttary qoldanylatyn bolady.

ıAǵnı depozıtterge banktiń jyldyq 2% mólsherindegi syıaqysy jáne 20% memlekettik syılyqaqy (jyl nátıjesi boıynsha jınaqtalǵan 200 AEK-ten aspaıtyn jınaq somaǵa) esepteledi.

BZT qosylǵan depozıt kómegimen turǵyn úıdi 3 jyl ishinde satyp alý qajet bolady.

Eger bank klıentteri BZT qosylǵan depozıtti kórsetilgen merzim ishinde paıdalanbasa, aqsha BJZQ-ǵa qaıtarylady.

Al mynadaı áreketterge jol berilmeıdi:

1. Salymdy jaýyp, zeınetaqy tólemderin sheship alýǵa bolmaıdy. Shotty japqan kezde aqsha BJZQ-ǵa qaıtarylady.

2. Mundaı depozıtterdi týystaryńyzǵa tabystaǵan kezde, depozıttegi BZT qarajaty BJZQ-ǵa qaıtarylady.

3. Depozıtti bólgen kezde tek óz jınaqtaryńyzdy jáne bank syıaqysyn alýǵa bolady, eger depozıttiń merzimi 3 jyl jáne odan kóp bolsa onda memleket syılyqaqysyn da qosa alasyz, biraq BZT qarajaty BJZQ-ǵa qaıtarylatyn bolady.

4. Bir adamnyń atynda birneshe depozıt bolsa jáne olardyń biriniń quramynda BZT qarajaty qosylǵan depozıt bolsa depozıtterdi qosýǵa bolady. Nemese eki adamnyń depozıtteri, al BZT qarajaty depozıtti qabyldaýshy taraptyń atynda bolǵan jaǵdaıda qosýǵa ruqsat beriledi.

5. Internet-bankıngte birjolǵy zeınetaqy tólemderimen tolyqtyrylǵan depozıtterdi satýǵa tyıym salynady. Olardy úshinshi tulǵanyń kepilger depozıti retinde de paıdalanýǵa bolmaıdy.

6. Bir jolǵy zeınetaqy tólemderimen tolyqtyrylǵan «Otbasy banktegi» salymdar úshinshi tulǵalardyń talaptarynan qorǵalatyn bolady.


Jańalyqtar

MURAǴAT