+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Zeınetaqy zańnamasyna túzetýler engizilgeni týraly aqparat jalǵan – mınıstrlik

2021 jylǵy 21 maýsym 17:00
Bólisińiz:
Zeınetaqy zańnamasyna túzetýler engizilgeni týraly aqparat jalǵan – mınıstrlik

NUR-SULTAN. QazAqparat – Eńbek jáne halyqty áleýmettik qorǵaý mınıstrligi jumys berýshilerdiń 5 paıyzdyq mindetti zeınetaqy jarnalaryn engizý merzimi ózgertiletinin joqqa shyǵardy, dep habarlaıdy QazAqparat.

«Zeınetaqy zańnamasyna jańa túzetýler ázirleý týraly BAQ-ta taratylyp jatqan aqparat shyndyqqa sáıkes kelmeıdi», - dep jazylǵan mınıstrliktiń baspasóz qyzmeti taratqan málimette.

Vedomstvo taratqan resmı aqparatqa súıensek, BAQ-ta saraptamalyq pikir negizinde Eńbek jáne halyqty áleýmettik qorǵaý mınıstrligi jumys berýshilerdiń 5% mólsherindegi mindetti zeınetaqy jarnalaryn engizý týraly zańnamalyq túzetýler ázirlegeni týraly aqparat taraǵan.

«2018 jylǵy 1 qańtardan bastap jumys berýshilerdiń mindetti zeınetaqy jarnalaryn engizýdi júzege asyrý josparlanǵan bolatyn. Memleket basshysynyń tapsyrmasy boıynsha 2019 jyly zańnamalyq túzetýler qabyldandy. Ol boıynsha jumys berýshilerdiń mindetti zeınetaqy jarnalaryn engizý merzimderi 2023 jylǵa aýystyryldy. Sondaı-aq, 2019 jyly Memleket basshysynyń tapsyrmasy boıynsha QR Úkimeti janynan zeınetaqy júıesin odan ári damytý, onyń ishinde JMZJ engizý máselelerin qaraý jónindegi jumys toby quryldy», -dep jazady mınıstrliktiń baspasóz qyzmeti.

Atalǵan jumys toby ázirlegen usynystardy Memleket basshysy qoldaǵan bolatyn.

«Usynylǵan sharalardyń bir bóligi zańnamalyq deńgeıde de, praktıkalyq turǵyda da iske asyryldy. Mysaly, 2021 jyldan bastap azamattarǵa zeınetaqy jınaqtarynyń bir bóligin turǵyn úı jaǵdaılaryn jaqsartýǵa, emdelýdiń aqysyn tóleýge, qarjy uıymdarynyń basqarýyna berýge maqsatty paıdalaný múmkindigi berildi. Qoldanystaǵy zańnama boıynsha jumys berýshiler 2023 jyldan bastap óz qarajaty esebinen jumyskerleriniń paıdasyna JMZJ aýdaratyn bolady. Bul rette jumys berýshige júkteme, onyń ishinde MZJ tólengen somany salyq salynǵanǵa deıingi shegerimge jatqyzý bóliginde Salyq kodeksiniń sheńberinde kózdelgen jeńildikterdiń esebinen qolaıly deńgeıde qalady», - dep jazylǵan resmı aqparatta.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT