Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

«Zeren-2019»: Jastardyń bıznes bastamalaryn damytýda mańyzy zor

2019 jylǵy 18 shilde 19:31 261
Bólisińiz:
«Zeren-2019»: Jastardyń bıznes bastamalaryn damytýda mańyzy zor

KÓKShETAÝ. QazAqparat - Búgingi tańda jastar máselesine memleket tarapynan erekshe bólinip otyr. Jastar – Qazaqstannyń turaqty damýynyń kepili.

Elimizdiń bolashaǵy jastardyń bilimine, eńbekqorlyǵyna, talap-tilegine, arman-muratyna baılanysty. Jastar tarıhı qundylyqtarymyz ben dástúrlerimizdi jańǵyrtyp, ony alǵa ilgeriletip qana qoımaı, eldiń ekonomıkasy men ǵylymyn da damytýǵa mindetti. Jastary belsendi eldiń erteńi jarqyn. Endeshe búgingi jastarǵa memleket pen qoǵamda bolyp jatqan oń ózgeristerdiń qaınaǵan ortasynan tabylyp, Máńgilik eldiń bolashaq ıeleri ózderi ekendigin uǵyndyra túsý qajet.

Memleket basshysy óziniń on baǵytynda: «Jastar Qazaqstannyń damýynda sheshýshi rol atqarady olar progresstiń qozǵaýshy kúshi bolýǵa tıis. Elbasy bıylǵy jyldy Jastar jyly dep jarııalady. «Jastar — el tiregi» arnaıy jobasy jumys isteýde. Jas kásipker, Jastar bıznes bastamalaryn qoldaımyz, jastar startaptaryna qoldaý kórsetemiz, jastardy jumysqa ornalastyrý baǵdarlamalaryn endiremiz. Meniń mindetim jastardyń óz armandaryn júzege asyrý, óz tabys tarıhtaryn jasaýyna múmkindikter jasaý. Talantty jastardy memlekettik qyzmettiń barlyq deńgeılerinde kóterilý úshin Prezıdenttik kadr rezervi jasalady», degen edi.

Aqmola oblysynyń Zerendi aýdanyndaǵy «Zeren-2019» respýblıkalyq bilim berý jastar jazǵy lagerinde úsh aýysymǵa josparlanǵan elimizdiń kóshbasshy jastarynyń jıyny da atalǵan maqsat údesinen shyǵýda. Bilim lageri aıasynda semınarlar men trenıngter ótkizilip, taqyryptyq jobalar ázirlenip, ıdeıalardy irikteý sharalary da uıymdastyrylypty. Munda sondaı-aq, Memleket basshysy Qasym-Jomart Toqaevtyń on bastamasyn jastar arasynda talqylaý alańy da qarastyrylǵan.

Aıta keteıik, «Zeren-2019» respýblıkalyq bilim berý jastar jazǵy lageri QR Aqparat jáne qoǵamdyq damý mınıstrliginiń bastamasymen uıymdastyrylyp, Qazaqstanda Jastar jylyn ótkizý boıynsha Jol kartasy sheńberinde júzege asyrylýda. Lagerdiń merzimi úsh kezeńge bólingen. Ár kezeńde 200 qatysýshydan jınalyp, ıaǵnı, barlyǵy 600 adam qatysady. Barlyq qatysýshy óz jobasyn azamattyq qoǵamdy damytý, kásipkerlik daǵdylary, jasyl ekonomıka, kreatıvti ekonomıka jáne jańa medıa salasy baǵyttary boıynsha ázirleıdi. Ár komandaǵa tájirıbeli tálimger-mentor taǵaıyndalyp, olar jastarǵa, ıdeıalaryn qalaı jetildirýi kerek ekeni jóninde jol siltep, keńes beredi.

Alǵashqy maýysym óz jumysyn nátıjeli ótkerdi. Nátıjeli deıtinimiz - bunda bilimge qushtar jastar ózara shúıirkilesip qana qoımaı, olarǵa aǵa býyn ókilderi de kelip, oı-pikirimen bólisip, ashyq alańnyń kórkin qyzdyrdy. Ekinshiden, bunda elimizdiń ár túkpirinen kelgen jastar uıymdarynyń basshylary ǵana emes oqýda ozattar, óz isin dóńgeletip basqaǵa úlgi bolǵandar jastar boldy. ıAǵnı, respýblıkadaǵy jas kásipkerler, kóshbasshylar, bilimqumarlar bir-birimen kezdesip, tanysyp, bilisti, tájirıbe almasty. Endeshe bundaı bilimdiler men talaptylar basqosýy kerek ári onyń nátıjeli bolýy da mańyzdy. Birinshi aýysymǵa qatysýshylardyń ózinde birneshe taqyryptar qamtylypty.

Birinshi aýysymda jastarmen QR Aqparat jáne qoǵamdyq damý mınıstr Dáýren Abaev kezdesse, ekinshi aýysymda Dos Kóshim, Erlan Mustafın, Maqsut Jumaev, Tımýr Qudaıbergenov, Álıhan Báımenov jáne basqa da tanymal tulǵalar kelip, tálim berýde.



«Zeren» lageri jobasynyń aıaqtalý sońynda sarapshy qazylar qatysýshylar jasaǵan jobalardan eń úzdigin irikteıdi. Úsh maýsymnyń jalpy júlde qory 15 mıllıon teńge. Aıta keter bir jaıt, 3 – 11 shilde aralyǵynda ótken birinshi maýsymnyń qorytyndysy boıynsha 5 úzdik joba tańdaldy, jobalardy júzege asyrý úshin, 7 mıllıon teńge saltanatty túrde tabys etildi.




Bizdiń kanalymyzǵa jazylyńyz:

Basty sózder: Jastar jyly, Jastar, Aqmola oblysy,
Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT