«Zerde» holdıngi kompanııanyń taratylýyna baılanysty málimdeme jasady
2022 jylǵy 17 tamyz 20:52

«Zerde» holdıngi kompanııanyń taratylýyna baılanysty málimdeme jasady

NUR-SULTAN. QazAqparat – «Zerde» holdınginiń resmı saıtynda kompanııanyń taratylýyna baılanysty málimdeme jarııalandy, dep habarlaıdy QazAqparat tilshisi.

«Zerde» ulttyq ınfokommýnıkatsııa holdıngi» AQ (BSN: 080940016280) óziniń taratylatyny týraly habarlaıdy.

Shaǵymdar habarlandyrý jarııalanǵan kúnnen bastap 2 aı ishinde Nur-Sultan qalasy, Máńgilik el dańǵyly, 55/15 mekenjaıy boıynsha, 8 (7172) 57-07-78, 57-09-08, 57-08-20 telefon nomerine qabyldanady», - dep jazylǵan habarlamada.

Eske salsaq, Prezıdent Qasym-Jomart Toqaev «Zerde» holdıngin reformalaýdy tapsyrǵan edi.

Al Úkimettiń keńeıtilgen otyrysynda Memleket basshysy Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınge eskertý jasap, artynsha vedomstvo basshysy «Zerde» holdıngin taratý týraly sheshim qabyldanǵanyn jarııa etti.

Mınıstrlik málimetin súıensek, «Zerde» holdıngi 5 jylda 7 mlrd teńge shyǵynǵa batqan.

8 tamyzda Úkimet «Zerde» holdıngi» aktsıonerlik qoǵamyn jabý týraly qaýly shyǵardy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT