+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Kákimjan Bıshmanov: Zaıyrlylyq - Qazaqstannyń mańyzdy tarıhı jetistigi

2019 jylǵy 19 qyrkúıek 22:31
Bólisińiz:
Kákimjan Bıshmanov: Zaıyrlylyq - Qazaqstannyń mańyzdy tarıhı jetistigi

ALMATY. QazAqparat - Memlekettiń zaıyrly qurylysy Qazaqstannyń mańyzdy tarıhı jetistigi. Bul týraly oıymen 18 qyrkúıekte Qazaq Sport jáne týrızm akademııasynda stýdenttermen kezdesý barysynda ál-Farabı atyndaǵy QazUÝ professory, dintanýshy Kákimjan Bıshmanov bólisti, dep habarlaıdy QazAqparat tilshisi.

Uqsas jańalyqtar
Dástúrli dinde ekstremızm, terrorızm degen uǵym joq - ǵalym Qazaq qoǵamynyń rýhanı ómirindegi dinniń orny Din - tárbıeniń rýhanı tiregi

Dáristi 60 jýyq stýdent tyńdady.

«Qazaqstandaǵy ekstremızm jáne terrorızm máselelerin zertteý ortalyǵy» Qoǵamdyq qory men qalalyq Qoǵamdyq damý basqarmasy uıymdastyrǵan jıyndy Akademııanyń birinshi prorektory Muhtar Esqalıev júrgizdi.

«Memlekettiń zaıyrlylyq sıpaty týraly Konstıýtsııalyq norma QR memlekettik konfesııaaralyq qatynastardyń negizgi sıpattamasy bolyp tabylady. Elimizde memleket pen din arasynda erekshe qatynas ornatylǵan. Bir de bir din memlekettik nemese mindetti bolmaıdy. Memlekettik saıasat qandaı da bir dinı ilimniń nuqsaýymen qurylmaıdy. Ol tutas alǵanda azamattardyń, qoǵam men memlekettiń tynys tirshiligi men qaýipsizdigin qamtamasyz etýdiń naqty múddelerinen týyndaıdy», - dedi Kákimjan Bıshmanov.

Professordyń aıtýynsha, bul dáristi júrgizýdegi maqsat Qazaqstannyń zaıyrly memleket ekendigi túsindirý.

«Zaıyrly memlekette ar-ujdan, dinı nanym senim bostandyǵy, dinı birlestikterdiń qyzmetiniń bostandyǵy kepil etilgen. Bul Qazaqstannyń damýynyń mańyzdy sharty», - dedi ol.

Aıta ketý kerek, mundaı túsindirý jumystary qazir Almaty qalasynyń kóp oryndarynda ótip jatyr.

Lektor Qazaqstan Respýblıkasynyń 2017-2020 jyldarǵa arnalǵan din salasyndaǵy memlekettik saıasaty týraly aıtyp berdi.

«Bul tujyrymdama Qazaqstandaǵy qazirgi dinı ahýaldy sıpattap, bolashaqtaǵy bolmysyn anyqtaıdy. Bul qujatqa sáıkes dinı saladaǵy túıtkildi máseleler aıqyndalǵan. Sonymen qatar, memlekettiń zaıyrlylyǵynyń bolashaqtaǵy baǵyty men dindi jat maqsatta paıdalanýdyń aldyn alý boıynsha barlyq suraqtar qamtylǵan», - dedi professor.

Kezdesý barysynda stýdentter ózderin qyzyqtyrǵan saýaldarǵa naqty jaýap aldy.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT