+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Zaısanda «Shilikti» sapar ortalyǵy salynady

2021 jylǵy 13 shilde 21:52
Bólisińiz:
Zaısanda «Shilikti» sapar ortalyǵy salynady

ZAISAN. QazAqparat - Shyǵys Qazaqstan oblysynyń Zaısan aýdanynda «Shilikti» sapar ortalyǵy salynady. Bul týraly QazAqparat Berel qoryq mýzeıine silteme jasap habarlaıdy.

Búgin «Berel» memlekettik tarıhı-mádenı qoryq-mýzeıiniń dırektory Nurbolat Ahmetjanov Zaısan aýdanynyń ákimi S Zaınýldınniń qabyldaýynda bolyp «Shilikti» sapar ortalyǵynyń ornalasatyn jeri boıynsha kelissózder júrgizdi.

QR Mádenıet jáne sport mınıstrliginiń qoldaýymen boı kóteretin ǵımarat «Berel» memlekettik tarıhı-mádenı qoryq-mýzeıine qarasty Shilikti qorǵandaryn kórýge kelýshilerdiń sanyn arttyrý, týrısterge keńinen nasıhattaý jáne jaılylyqty qamtamasyz etý maqsatynda qolǵa alynǵan. Sapar ortalyǵynda zamanaýı úlgide jabdyqtalǵan mýzeı zaly, qonaq úı ǵımaraty jáne aqparattyq-nasıhattyq ortalyq syndy birqatar bólimder qarastyrylǵan.

Sondaı-aq, «Berel» memlekettik tarıhı-mádenı qoryq-mýzeıi« RMQK dırektory Nurbolat Ahmetjanov qoryq-mýzeıge qarasty Zaısan aýdanyndaǵy Shilikti qorǵandaryna baryp, tarıhı mekende atqarylyp jatqan jumystar men aldaǵy josparlar týraly keńes ótkizdi.

Zaısan óńirinde 6 tarıhı, 21 mádenı - arhıtektýralyq, 8 arheologııalyq eskertkishter tirkelgen. Ólkedegi tarıhı eskertkishterdiń biri de biregeıi - Shilikti qorǵandary.

Shilikti qorymy Zaısan aýdany, Shilikti aýylynyń ońtústik batysynan 3 km jerde ornalasqan. Uzyndyǵy - 80, eni – 30 shaqyrymdy qamtıdy. Shilik qorǵanynyń ońtústigin Tarbaǵataı, shyǵysyn Saýyr-Saıqan, soltústigin Mańyraq taýlary qorshap jatyr.

Shilikti jazyǵy saqtardyń alǵashqy memleketiniń ordasy tigilgen qasıetti meken. Shilikti erte saqtar zamanyndaǵy elıtarlyq eskertkishterdiń biregeıi.

Tabıǵattyń úılesimdi áseriniń jáne adamnyń ǵasyrlar boıy qyzmetiniń saldarynan paıda bolǵan tarıhı-mádenı landshaft aımaqtyń basty qundylyǵy bolyp tabylady. Onyń eń kóp shoǵyrlanǵan jerin Shilikti eskertkishteri dep ataıdy. Shilikti obasy b.z.b. VІІ-VІ ǵasyrǵa jatqyzylady.

Shilikti qorymynda barlyǵy 51 oba bar.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT