+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Zarema Sháýkenova: Ulttyq aza tutý – adamgershiliktiń eń joǵary úlgisi

2020 jylǵy 9 shilde 06:33
Bólisińiz:
Zarema Sháýkenova: Ulttyq aza tutý – adamgershiliktiń eń joǵary úlgisi

NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýtynyń dırektory Zarema Sháýkenova Memleket basshysynyń elimizdegi ahýalǵa baılanysty úndeýine pikir bildirdi, dep habarlaıdy QazAqparat tilshisi.

Uqsas jańalyqtar
Qazaqstanda 1,8 myń adam koronavırýstan emdeldi Elimizde 476 adam koronavırýs juqtyrdy Qyzylordada naýqastardyń 80 paıyzy koronavırýs dertinen aıyqty

«Memleket basshysy Qasym-Jomart Toqaev respýblıkalyq telearnalar efırinde qazaqstandyqtarǵa úndeý tastap, barshamyzdy tolǵandyratyn koronovırýspen kúres máselesine toqtaldy. Prezıdent óziniń 27 sáýirdegi málimdemesinde eger jaǵdaı nasharlamasa, 11 mamyrda tótenshe jaǵdaı alynyp tastalady dep aıtty. Ol jasaldy da. Óıtkeni, biz bastapqyda pandemııanyń taralýyn shekteý úshin eń sheshýshi jáne qatań sharalardy qolǵa aldyq», - dedi sarapshy.

Alaıda, halyqtyń qaýipsizdigi úshin karantın rejımine qatysty sharalardy saqtaý óte mańyzdy bolatyn. Uıymdastyrýshylyq kúsh-jiger, qarjylyq sharalar, halyqtyń qoldaýy, azamattardyń densaýlyǵy men dárigerlerdiń adal eńbegi ótemimen aýyzdyqtalǵan COVID-19 budan ári taralýyna esh jaǵdaı men múmkindik bolmaıtyndaı jasalýy kerek edi.

«Muny qalaı isteý kerektigi TJ kezinde úıretildi. Maska kııý, jumys ornyn zalalsyzdandyrý, qoldy jýý, áleýmettik qashyqtyqty ustaný. Birden týystarymyzǵa barýdyń qajeti joqtyǵyn, keń baıtaq elimizdiń barlyq qalalarynda dostarymyzdy jınaýdyń, ıaǵnı shekteý qoıylǵannyń bárin birden jasaýdan bas tartýymyz qajettiligin eskertti jáne ótindi. Bul tótenshe jaǵdaıdan shyǵýdyń joly – karantın sharalaryn qatań saqtaý bolatyn. Barlyǵy. Eshkimge jeńildik jasalmaýy kerek edi. Biraq biz muny ustanbadyq, barshamyz karantın sharalaryn saqtamadyq. Bizdiń nemquraıdylyǵymyzdy Densaýlyq saqtaý mınıstrliginiń burynǵy basshylyǵynyń qatelikteri de kúsheıte tústi, al ákimdikterdiń jergilikti jerdegi áreketsizdigi adamdardyń qyraǵylyǵyn álsiretti», - deıdi ınstıtýt basshysy.

Saldarynan Prezıdenttiń tapsyrmasymen Memlekettik komıssııa aýrý juqtyrǵandardyń jáne ólim-jitim sanynyń ósýine baılanysty kúrdeli jaǵdaıdy turaqtandyrý men eńserý úshin elde eki aptalyq karantın engizýdi uıǵardy.

«Kúndelikti aýyr naýqastar men qaıtys bolǵandar týraly sońǵy esepte tanystarymyzdyń, dostarymyzdyń jáne týystarymyzdyń esimderin estidik. Qasym-Jomart Kemeluly jaqyndary men týystaryna kóńil aıta otyryp, munyń júzdegen otbasynyń qasireti ekenine toqtaldy. Sondyqtan Memleket basshysy 13 shilde - Ulttyq aza kútý kúni dep jarııalady. Bul adamgershiliktiń eń joǵary úlgisi jáne pandemııa qurbany bolǵan qazaqstandyqtarǵa kórsetilgen qurmet. Bul barshamyzdy halqymyzdyń basyna túsken synaqtar aldynda qaısarlyqqa, sabyrlylyqqa, jaýapkershilik tanytýǵa shaqyrdy. Pandemııa - adamzattyń san ǵasyrlyq tarıhynda oryn alyp turatyn apattar. Ár kezeńde álem, elder men adamdar ómirge, bolashaq úshin kúresýge, medıtsınaǵa, ǵylymnyń jetistikterine súıene otyryp, jeńiske degen senimniń arqasynda qorqynyshty indetterdi jeńgen. Prezıdent aıtqandaı, biz jeńiske jetemiz», - dedi Zarema Sháýkenova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT