+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Zarema Sháýkenova: Sońǵy 30 jyl dramalyq oqıǵalarǵa toly boldy

2021 jylǵy 28 maýsym 22:41
Bólisińiz:
Zarema Sháýkenova: Sońǵy 30 jyl dramalyq oqıǵalarǵa toly boldy

NUR-SULTAN. QazAqparat – QR Prezıdenti janyndaǵy strategııalyq zertteý ınstıtýtynyń dırektory Zarema Sháýkenova Qazaqstan halqy Assambleıasynyń etnosaralyq shıelenisterden týyndaıtyn demografııalyq táýekelderdiń aldyn alýdaǵy róli týraly aıtty, dep habarlaıdy QazAqparat tilshisi.

Uqsas jańalyqtar

Zarema Sháýkenova Qazaqstan halqy Assambleıasynyń ǵylymı-saraptamalyq keńesiniń otyrysynda 30 jyl uıymnyń damý jolyna qysqasha sholý jasady.

«Sońǵy 30 jyldyń oqıǵalaryn el tarıhyndaǵy eń bir dramalyq oqıǵalar dep ataýǵa bolady. Birqatar postkeńestik elde bul kezeńde etnosaralyq shıelenister men túrli qaqtyǵystar boldy. Qazaqstanǵa oqıǵalardyń mundaı baǵytpen órbýi ulttyń demografııalyq áleýeti turǵysynan da, adamı kapıtaldyń damýy turǵysynan da túrli táýekelder týyndatýy múmkin edi.

Tabıǵı resýrstardyń moldyǵyna qaramastan, Qazaqstannyń basty baılyǵy – onyń halqy. Sondyqtan, atalmysh kezeńde halyqtyń saıası-etnıkalyq quramy turaqtylyqqa qaýip tóndiretindeı bolyp kóringenine qaramastan, Tuńǵysh Prezıdent-Elbasy Nursultan Nazarbaev ahýalǵa tyń kózqaras usyndy», - dedi ortalyq dırektory.

Onyń aıtýynsha, halyqtyń saıası-etnıkalyq quramynyń árkelkiligin qoǵamnyń artyqshylyǵy retinde damytý ıdeıasyn iske asyrý ońaı bolmaǵan.

«Osy ıdeıany iske asyrýdyń negizgi quralynyń biri – Qazaqstan halqy Assambleıasy boldy. 26 jyl qyzmetinde QHA táýelsizdiktiń nyǵaıýyna ólsheýsiz úles qosty. Búgingi tańda Assambleıanyń aldynda búkil Qazaqstannyń mádenıetin damytý, ulttyń básekege qabiletin arttyrý, jastardy patrıottyqqa tárbıeleý, memlekettik tildi damytý mindeti tur.

Assambleıa túrli quraldardy paıdalanyp, qoǵamdyq kelisim men turaqtylyqty qamtamasyz etip otyr. Ákimdikter janyndaǵy qoǵamdyq kelisim keńesteri uıymnyń qaýqarly quralyna aınaldy. Dıalog keńistigin qalyptastyrýdan ózge qoǵamdyq kelisim keńesteri etnıkalyq mazmundaǵy shıelenisterdiń aldyn alý jáne túıinin retteý boıynsha praktıkalyq sheshimder qabyldaıdy», - dedi Zarema Sháýkenova.

Sarapshy Assambleıanyń tanymal tulǵalary búginde eldegi zańnamany jetildirýge yqpal etkenin atap ótti.

«Osy isterdi ádistemelik jáne aqparattyq súıemeldeý isinde QHA janyndaǵy medıatsııa ınstıtýtynyń róli mańyzdy. QHA el zańnamasyn qalyptastyrýda eleýli úles qosýda. Assambleıanyń depýtattyq toby jalpyqazaqstandyq tutastyqty nyǵaıtýdaǵy jáne etnosaralyq qarym-qatynas salasyndaǵy mádenı baǵyttardy damytýdaǵy memlekettik saıasatty iske asyrýǵa múmkindik beretin bastamalardy zańnamalyq turǵyda bekitýge kúsh salýda. QHA Qazaqstan jastaryna patrıottyq tárbıe berýde ólsheýsiz úles qosyp otyr. QHA-nyń mádenı birlestikteri men ǵylymı-saraptamalyq keńesi qoǵamdyq ózara baılanys salasynda sapaly saraptamamen qamtamasyz etip otyr», - dedi Prezıdent janyndaǵy strategııalyq zertteý ınstıtýtynyń dırektory.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT