+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Zarema Shaýkenova erekshe qajettiligi bar balalar jaıly: Prezıdent problemany ashyq aıtty

2021 jylǵy 25 aqpan 17:58
Bólisińiz:
Zarema Shaýkenova erekshe qajettiligi bar balalar jaıly: Prezıdent problemany ashyq aıtty

NUR-SULTAN. QazAqparat – QR Prezıdentiniń janyndaǵy Qazaqstan strategııalyq zertteýler ınstıtýtynyń dırektory Ulttyq qoǵamdyq senim keńesiniń V otyrysynda kóterilgen áleýmettik sala men adamı kapıtaldy damytý jónindegi máselelerge nazar aýdardy. Sarapshy solardyń ishinde múmkindigi shekteýli jandar men erekshe qajettilikteri bar balalardyń jaǵdaıyn jasaý mańyzdy másele ekenin aıtady, dep habarlaıdy QazAqparat tilshisi.

Uqsas jańalyqtar
Ulttyq keńes: Áleýmettik-ekonomıkalyq reformalardyń prezıdenttik paketi týraly baıandama tanystyryldy

«Qazaqstanda erekshe bilim berý qajettilikteri bar balalar sany kúnnen kúnge ósip kele jatyr. Alaıda olarǵa arnalǵan bilim berý salasynyń damýynda, ony uıymdastyrýda, jalpy ınfraqurylymynda áli de kemshilikter bar ekeni belgili. Ol óte ózekti másele. Óıtkeni, erekshe qajettilikteri bar balalardy qoǵamǵa barynsha beıimdeý – memlekettegi áleýmettik jaǵdaıdyń mańyzdy bir kórsetkishi. ıÝNISEF halyqaralyq uıymnyń málimeti boıynsha Shyǵys jáne Ortalyq Eýropa men Ortalyq Azııa elderindegi densaýlyq múmkindikteri shekteýli 5,1 mıllıon balalardyń kem degende 75 protsenti sapaly ınklıýzıvti bilim berý múmkindikterine qol jetkize almaı otyr», - deıdi ol.

Zarema Shaýkenova keltirgen resmı statıstıka boıynsha elimizde 161 156 bala arnaıy bilimdi qajet etedi. Respýblıka boıynsha 420 arnaıy bilim berý uıymy, onyń ishinde 195 psıhologııalyq-pedagogıkalyq túzetý kabıneti, 98 arnaıy mektep, 14 ońaltý ortalyǵy jáne 38 arnaıy mektepke deıingi uıym, 75 psıhologııalyq-medıtsınalyq-pedagogıkalyq konsýltatsııa (PMPK) jumys isteıdi.

«Prezıdent Qasym-Jomart Toqaev keńes otyrysynda bul problemany ashyq aıtyp, osyndaı arnaıy uıymdar men mekemelerdiń qyzmet etý jónindegi normalarynyń eskirgenine erekshe toqtaldy. Bul normalar erekshe qajettilikteri bar balalardyń ómirin qıyndata túsýde. Ońaltý ortalyqtary, arnaıy medıtsınalyq qyzmetter, arnaıy bilim berý men ınklıýzıvti bilim baǵdarlamalary is júzinde qyzmetin atqarǵanymen, olardyń sany jetkilikiz, balalar sol sebepti aılar, jyldar boıyna óz kezegin kútip otyrýǵa májbúr. Aımaqtyq ta erekshelikter bar. Osy oraıda Memleket basshysy Q.Toqaev bul saladaǵy normatıvterdi aımaqtyq erekshelikter men zamanaýı standarttardy eskere otyryp jańartýdy tapsyrdy», - deıdi sarapshy.

Zarema Shaýkenova ınklıýzıvti qoǵamdy damytýdaǵy mańyzdy qadamdardyń biri – múmkindigi shekteýli adamdarǵa barynsha qolaıly jaǵdaı jasaý ekenin atap ótti. Bul oraıda múmkindigi shekteýli azamattardyń turǵyn-úı, áleýmettik jáne transporttyq ınfraqurylymy obektilerine kedergisiz qoljetimdiligin qamtamasyz etý ózektene túsýde.

«Barlyq sanattaǵy múgedektikti anyqtaý rásimderin jeńildetý, kútimge muqtaj adamdardyń ózine tıesili áleýmettik qyzmetterdi paıdalanýy boıynsha jumystardy júıelep, qazirgi tsıfrlyq standarttarǵa saı jetildirý qajettigi artýda. Osyǵan oraı Prezıdenttiń Densaýlyq saqtaý, Bilim berý jáne Eńbek jáne halyqty áleýmettik qorǵaý mınıstrlikteriniń vedomstvoaralyq ózara is-áreketin negizge ala otyryp, Biryńǵaı aqparattyq bazany qurý arqyly ońtaıly júıeni jasaý jónindegi tapsyrmasy qajetti ári ýaqytyly ekeni anyq. Sondaı-aq, Memleket basshysy múmkindigi shekteýli azamattardyń qajet etilgen obektilerge kedergisiz kirýdi qamtamasyz etý maqsatynda jergilikti atarýshy organdarǵa qajet etilgen barlyq obektilerdiń kartasyn daıyndaýdy tapsyrdy. Ol óte mańyzdy, sebebi obektilerdiń qoljetimdiligi problemasy týraly múmkindigi shekteýli jandardyń ózi de, olardyń quqyqtaryn qorǵaýshy uıymdar da, úkimettik emes uıym ókilderi de árdaıym aıtyp júr», - dep túıdi Zarema Shaýkenova.

Aıta ketsek Ulttyq qoǵamdyq senim keńesiniń búgin ótken otyrysynda Memleket basshysy Qasym-Jomart Toqaev erekshe qajettiligi bar balalardy qoldaýǵa qatysty elimizdiń Bilim jáne ǵylym mınıstrligine tapsyrma bergen bolatyn.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT