Zańsyz aǵash kesken jaǵdaıda salynatyn aıyppuldyń mólsheri azaımaq
2022 jylǵy 29 maýsym 10:53

Zańsyz aǵash kesken jaǵdaıda salynatyn aıyppuldyń mólsheri azaımaq

NUR-SULTAN. QazAqparat – Zańsyz aǵash keskeni úshin salynatyn aıyppuldardyń mólsheri azaımaq. Májiliste zańnamaǵa osyndaı túzetý engizý usynyldy, dep habarlaıdy QazAqparat tilshisi.

Májilis depýtattaryna Qazaqstannyń Qylmystyq, Qylmystyq-protsestik jáne Ákimshilik quqyq buzýshylyq týraly kodeksterine ekologııalyq quqyq buzýshylyqtar úshin jaýaptylyqty kúsheıtýdi kózdeıtin ózgerister men tolyqtyrýlar engizý týraly Zań jobalaryn birinshi oqylymda tanystyrǵan Ekologııa, geologııa jáne tabıǵı resýrstar mınıstri Serikqalı Brekeshev zańsyz aǵash kesýdiń aıyppul mólsheri ózgeretinin málim etti.

«Zańsyz aǵash kesýdiń turaqty dınamıkasyn eskere otyryp, Zań jobasynda mynadaı kórsetkishti tómendetý usynylady. Eleýli zalal 100-den 50 AEK-ke deıin, iri zalal 1000-nan 500 AEK-ke deıin azaıtylmaq. Al asa iri zalal kórsetkishi ózgerissiz qalady jáne 2000 AEK-ti quraıdy»,- dedi Serikqalı Brekeshev.

Sondaı-aq, ol Qlymystyq kodekstiń 324, 325, 326, 328, 329, 330 jáne 333-baptaryndaǵy «Ekologııalyq zalal» termıni «zalal» degen uǵymmen aýystyrylǵanyn atap ótti.

«Óıtkeni qylmystyq zańnamada quqyqtyq anyqtamasy joq. Qoǵamdyq qaýipti zardaptardy anyqtaýǵa qatysty uǵymdar Qylmystyq kodekste «iri zalal jáne iri mólsherde» jáne «erekshe iri zalal jáne asa iri mólsherde» dep bekitilgen», - dedi mınıstr

Buǵan deıin atalmysh vedomstvo Ulttyq parkterde 685 shaqyrymdyq týrıstik marshrýt jasalǵanyn habarlaǵan bolatyn.


Seriktester jańalyqtary

Jańalyqtar

Úrdis

MURAǴAT