+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Zagrebte Qazaqstan táýelsizdiginiń 30 jyldyǵyna jáne elorda kúnine arnalǵan dóńgelek ústel ótti

2021 jylǵy 25 maýsym 00:41
Bólisińiz:
Zagrebte Qazaqstan táýelsizdiginiń 30 jyldyǵyna jáne elorda kúnine arnalǵan dóńgelek ústel ótti

NUR-SULTAN. QazAqparat - Zagrebte kórnekti qoǵam qaıratkerleri, Horvatııa Bilim jáne ǵylym mınıstrliginiń, Horvat-kazaq dostyq qoǵamy, dıplomatııalyq korpýs jáne jýrnalısterdiń qatysýymen Qazaqstan táýelsizdiginiń 30 jyldyǵyna jáne elorda kúnine arnalǵan dóńgelek ústel ótti.

Uqsas jańalyqtar
Táýelsizdiktiń 30 jyldyǵy: ShQO-da jyl sońyna deıin 40-tan astam nysan ashylmaq ShQO-da Táýelsizdiktiń 30 jyldyǵy aıasynda 3 myńnan astam shara ótkizildi Qazaqstan men Kýba arasyndaǵy ekijaqty yntymaqtastyq máseleleri talqylandy

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Elshi Tólejan Barlybaev Qazaqstannyń sońǵy úsh onjyldyqtaǵy memlekettik qurylystaǵy tarıhı serpilisiniń, ártaraptandyrylǵan naryqtyq ekonomıkany qurýdyń, qoǵamdyq kelisim men ulttyq birliktiń erekshe úlgisi qalyptasýynyń basty kezeńderin atap ótti.

Tuńǵysh Prezıdent – Elbasy Nursultan Nazarbaevtyń zamanaýı Qazaqstandy qurýǵa qosqan eleýli úlesi, sondaı-aq memlekettik reformalardy ilgeriletý jáne áleýmettik tártipti jańartý jónindegi Qazaqstan Respýblıkasy kóshbasshylyǵy baǵytynyń sabaqtastyǵy atap ótildi.

Horvatııanyń eks-prezıdenti, kórnekti qoǵam qaıratkeri Ivo Iosıpovıch óziniń Qazaqstanǵa saparlary týraly jyly lebizderimen bólisti. Ol táýelsizdiktiń tańyndaǵy eń mańyzdy strategııalyq qadam – ​​Nursultan Nazarbaevtyń Semeı ıadrolyq synaq polıgonyn jabý jáne óz erkimen ıadrolyq qarýdan bas tartý týraly sheshimi ekenin aıtty.

Onyń sózinshe, bul Qazaqstannyń halyqaralyq bedeliniń ósýin jáne kópjaqty dıplomatııa ortalyǵy men bedeldi dıalog alańy retindegi róliniń kúsheıýin qamtamasyz etti, onyń astanasynda EQYU, IYU, ShYU, AÓSShK jáne basqa da halyqaralyq uıymdardyń sammıtteri, Sırııadaǵy qaqtyǵysty retteý boıynsha halyqaralyq kelissózder, álemdik jáne dástúrli dinder lıderleriniń sezderi jáne basqa da forýmdar sátti ótkizildi.

Horvatııa–Qazaqstan dostyq qoǵamynyń tóraǵasy Andrııa Karafılıpıpovıch Qazaqstan basshylyǵynyń «Halyq únine qulaq asatyn memleket» tujyrymdamasyn jáne áleýmettik-baǵdarly saıasatty damytý baǵytyna oń baǵa berdi. Prezıdent Qasym-Jomart Toqaevtyń adam quqyqtaryn qorǵaý jáne nyǵaıtý salasyndaǵy jańashyldyqtary Qazaqstandy gýmanıtarlyq ólshem boıynsha óńirlik kóshbasshy etetini basa aıtyldy. Sondaı-aq Qazaqstannyń etnosaralyq jáne konfessııaaralyq kelisimdi nyǵaıtý salasyndaǵy tabysty tájirıbesi erekshe atap ótildi.

Dóńgelek ústel barysynda Reseı men Ázerbaıjan elshileri, Horvatııa Bilim jáne ǵylym mınıstrliginiń ókilderi, Dostyq qoǵamynyń músheleri sóz sóıledi. Dóńgelek ústelge qatysýshylar Qazaqstannyń jas astanasynyń qurylys tarıhy týraly fotokórmemen tanysty, sonymen qatar olarǵa horvat tilinde basylyp shyqqan Nursultan Nazarbaevtyń «Táýelsizdik dáýiri» kitaby, Abaıdyń shyǵarmalary men Horvat tilinde shyqqan ál-Farabıdiń qyzmeti týraly monografııa syıǵa tartyldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT