+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Zaǵıpa Bálıeva Almatydaǵy Balalardy erte ońaltý ortalyǵyna bardy

2019 jylǵy 19 tamyz 22:09
Bólisińiz:

ALMATY. QazAqparat - Búgin Májilis depýtaty, «Nur Otan» partııasynyń múshesi Zaǵıpa Bálıeva Almaty qalasyna jumys sapary aıasynda Balalardy erte ońaltý ortalyǵyna baryp, ondaǵy eńbek ujymymen kezdesti, dep habarlaıdy QazAqparat.

Kezdesý barysynda Májilistiń negizgi zań shyǵarýshylyq qyzmeti, memlekettik baǵdarlamalardyń iske asýy jaıy baıandalyp, mindetti áleýmettik saqtandyrýǵa qatysty máseleler kóterildi.

Іs-sharaǵa Almaty qalasy Qoǵamdyq densaýlyq saqtaý basqarmasynyń basshylary men qalalyq máslıhat depýtattary, partııanyń qalalyq fılıalynyń ókilderi jáne taǵy basqalary qatysty.

Uıym qyzmetkerleri óz tarapynan densaýlyq saqtaý salasyndaǵy aqparattyq júıeler, qoǵamdyq kólik máselesi, baspanamen qamtamasyz etý jáne jalaqy máselesine qatysty saýaldaryn qoıdy.

«Jumys sapary aıasynda biz Balalardy erte ońaltý ortalyǵyna keldik. Bul ońaltý ortalyǵy balalarymyzǵa óte qajet. Almatynyń ózinde osyndaı tórt ortalyq bar. Suraqtardy «Nur Otan» partııasymen birlese qarastyryp, ortalyq apparatqa joldaımyz jáne Májiliste, úkimet aıasynda kóteremiz. Ortalyqta 65 bala bar, jaǵdaılary jaqsy. Mindetti túrde tek qana qalada emes, aımaqtarǵa da baryp júrmiz. Saılaýshylarǵa barǵan kezde túrli suraqtar týyndaıdy. Ásirese, áleýmettik tólemder, jer, baspana máselesi kóteriledi. Byltyr densaýlyq salasynda jalaqy 30 %-ǵa kóterildi. Endi muǵalimderge jaǵdaı jasalyp jatyr. Olardyń jalaqysy 4 jyldyń ishinde eki esege kóteriletin bolady», - dedi Z. Bálıeva. Sondaı-aq, kezdesýde balalardyń keshendi kómek alýǵa múmkindigi bolýy úshin osyndaı ortalyqtardyń kópsalalyq baǵytqa aýysýy qajet ekendigi atalyp ótildi.

Kezdesý sońynda Almaty qalasy Qoǵamdyq densaýlyq saqtaý basqarmasy basshysynyń orynbasary A.Bısenbaeva jáne ortalyq dırektory N. Tólekova ujym atynan Z.Bálıevaǵa ortalyqqa kelip, áleýmettik jáne densaýlyq saqtaý salalaryndaǵy reformalardy túsindirgeni úshin alǵysyn bildirdi.

Aıta ketý kerek, ortalyq 75 balaǵa arnalǵan. Balalar 15 kúnnen em alyp, oǵan 3-ten 7 jasqa deıingi balalar qabyldanady. Ortalyqta medıtsınalyq qyzmetkerlerden basqa balalarmen ustazdar, logopedter men psıhologtar jumys isteıdi. Sonymen qatar, ortalyqta arnaıy sensorly bólmede sóıleý qabileti tómen balalarǵa jeke jáne toptyq sabaqtar uıymdastyrylady.

Bizdiń kanalymyzǵa jazylyńyz:

Basty sózder:
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT