+7 (701) 759 90 19
USD 389.75 EUR 434.26
RUB 6.12 CNY 55.05
Jańalyqtar

Zaǵıp velomarafonshylar Almatydan Túrkistanǵa attandy

2019 jylǵy 22 qyrkúıek 22:11
Bólisińiz:
Zaǵıp velomarafonshylar Almatydan Túrkistanǵa attandy

ALMATY. QazAqparat – Almatyda zaǵıp jáne nashar kóretin sportshylardyń tórtinshi velomarafony bastaldy, dep habarlaıdy QazAqparat tilshisi.

Uqsas jańalyqtar

«Shekarasyz sport» jobasynyń qatysýshylary bul joly Almatydan Túrkistanǵa deıingi 1000 shaqyrym qashyqtyqty baǵyndyrady. Uly Jibek jolynyń baǵytymen ótetin joldy sportshylar toǵyz-on kúnde júrip ótpek.


18 adamnan turatyn komandaǵa qajet kezinde kómek berý úshin volonter-pılottar ilesip otyrady. Biregeı marafon qatysýshylarynyń arasynda «Qazaqstannyń 100 jańa esimi» jobasynyń jeńimpazdary, sondaı-aq Paralımpıada chempıony Zúlfııa Ǵabıdýllına da bar.

«Osy velomarafon arqyly maqsat aıqyn, asqaq arman bolsa, barlyǵyna da qol jetkizýge bolatynyn kórsetkimiz keledi», - deıdi qoǵam qaıratkeri, «Shekarasyz sport» jobasynyń jetekshisi Baqtııar Bazarbekov.


Jol boıy sportshylar jastarmen, múmkindigi shekteýli jandarmen, jergilikti bılik ókilderimen, bıznesmendermen, qoǵam qaıratkerlerimen kezdesedi.

Júzýden Qazaqstan tarıhynda tuńǵysh ret Paralımpıada chempıony bolǵan (2016) Zúlfııa Ǵabıdýllına marafonǵa alǵash qatysyp otyr.

«Osyndaı marafonǵa qatysýdy Almaty-Vladıvostok alǵashqy marafony ótken 1990 jyldan beri armandaımyn. Sol kezde sportshylar meniń qalam Tarazdyń janynan ótkende osyndaı bir arman paıda boldy. Endi, mine, 29 jyldan keıin osyndaı múmkindikke ıe bolyp otyrmyn», - dep velosıpedke qondy chempıon.


«Shekarasyz sport» jobasynyń qatysýshylary buǵan deıin de osyndaı birneshe is-shara ótkizgen bolatyn.

2016 jyldyń kúzinde komanda Almatydan elordaǵa deıingi «Eki astana» velosherýine qatysty. 2017 jyldyń jazynda Almaty – Ystyqkól baǵdaryndaǵy «Qozǵalys energııasy» halyqaralyq velomarafonyna qatysty. Al 2018 jyly 15 sportshy 136 kúnde elordadan Parıjge deıingi 5 myń km shaqyrymdy baǵyndyrdy.

Endi 2020 jyly olar Amerıkaǵa nemese Tokıodaǵy Paralımpıada oıyndaryna barýdy josparlap otyr.





Avtor: Elaman Turysbekov


Bizdiń kanalymyzǵa jazylyńyz:

Basty sózder: Almaty, Sport, Aımaq,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT