+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ıÝrıı Ilın Aqmola oblysynyń sý tasqyny qaýpi bar aımaqtaryn áýeden baqylady

2020 jylǵy 2 sáýir 18:27
Bólisińiz:
ıÝrıı Ilın Aqmola oblysynyń sý tasqyny qaýpi bar aımaqtaryn áýeden baqylady

KÓKShETAÝ. QazAqparat - QR Іshki ister mınıstriniń orynbasary ıÝrıı Ilın Aqmola oblysynyń sý tasqyny qaýpi bar aımaqtaryn tikushaqpen áýeden baqylady, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.

Vedomstvonyń málimetinshe, QR Іshki ister mınıstriniń orynbasary ıÝrıı Ilınniń qasynda Aqmola oblysy ákiminiń orynbasary Asqar Muratuly men oblystyq tótenshe jaǵdaılar departamentiniń bastyǵy Alekseı Sovetov birge boldy. Olar Arshaly, Tselınograd, Atbasar, Astrahan aýdandarynyń aýmaǵyn, sondaı-aq, Nura, Esil, Kolýton, Jabaı, Shaǵalaly ózenderi men Astana baqylaýrettegishi, Preobrajenskıı gıdrojelisi, ylǵaldandyryp sýarý júıesi, Astana, Besýatskıı, Aıdabol, Shaǵalaly sý qoımalaryn tikushaqpen áýeden baqylap kórdi.

«Aqmola oblysynda biz Nur-Sultan qalasynan Atbasarǵa deıingi sý tasqynynyń qaýpti tustaryn baqylap kórdik. Jaǵdaı turaqty. Qysta jaýǵan qardyń mólsheri kóp bolǵandyqtan bógetterdi nyǵaıtý jumystary júrgizilýde. Bul kósheler men úılerdi qarǵyn sýdan qorǵaıdy. Jalpy alǵanda, óńirde jaǵdaı turaqty, ózenderdiń kópshiligi qazir muz astynda, biraq sonymen birge osy aptada aýa temperatýrasy kóteriledi dep kútilýde. Alaıda, Atbasar, Talapker jáne basqa óńirlerde sý tasqynynyń qaýpi joq. Aqmola oblysynyń TJD kúshteri men quraldary karantındik rejımdegi Talapker jáne Jibek joly eldi mekenderine baǵyttalyp otyr. Sonymen qatar, ońtústik óńirlerden qosymsha kushterdi tartý josparda bar. Qazir jaǵdaı turaqty, sondyqtan, aptanyń sońyna deıin sheshim qabyldaımyz», - dedi ıÝrıı Ilın.

Aqmola oblysynyń tótenshe jaǵdaılar basqarmasy atap ótkendeı, óńirdegi sý aıdyndarynda muzdyń erı bastaǵany aıtyldy. Shaǵalaly, Jabaı, Esil ózenderinde muzy erip, sý kórine bastady.

Jalpy, aımaqtaǵy sý tasqynynyń qaýipi baqylaýǵa alynǵan. Atbasar, Tselınograd, Astrahan jáne Arshaly aýdandarynda sý tasqynynan qorǵaý jumystaryna 147 adam, 62 birlik tehnıka jáne 15 sýsorǵysh tartylǵan. Jaǵdaı kúrdelenetin bolsa, qosymsha rezervtegi 2410 adam jáne 1 058 tehnıka tartylady.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT