+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Ystyqkólde nóser jaýynnan keıin sel júrip, aýyldardy sý basty

2021 jylǵy 30 shilde 16:28
Bólisińiz:
Ystyqkólde nóser jaýynnan keıin sel júrip, aýyldardy sý basty

BІShKEK. Kabar-QazAqparat - Qyrǵyzstannyń tótenshe jaǵdaılar mınıstri Ystyqkóldegi sý tasqynynyń saldaryn baqylaýynda ustap otyr, dep habarlaıdy QazAqparat Kabar agenttigine silteme jasap.

Onyń málimetinshe, búgin, 30 shilde saǵat 04:30 shamasynda Balyqshy qalasy men Kesken-Bel asýynda, Ton aýdanynyń Qara-Shaar jáne Ottýk aýyldarynda nóser jańbyr jaýǵan.

Іshki joldar men aryqtar qum men qıyrshyq tasqa tolyp, turǵyn úılerdi sý basqan.

Ystyqkólden ońtústikke qaraı 35 km jerde jol ýchaskeleri sel tasqynynan zardap shekti. Kóldiń soltústigindegi jol ashyq.

Qazirgi ýaqytta oqıǵa ornynda tótenshe jaǵdaılar mınıstri B. Ájikeev, Prezıdenttiń Ystyqkól oblysyndaǵy ókiletti ókiliniń birinshi orynbasary Ý. Dalıev, quqyq qorǵaý basqarmasynyń bastyǵy K. Enterıev, sondaı-aq Ystyqkól oblysy boıynsha TJM basqarmasynyń bastyǵy Zamırbek Jumaǵazıev júr.

Tótenshe jaǵdaı mınıstrliginiń Ton aýdandyq bóliminde 7 qutqarýshy, 20 mılıtsııa qyzmetkeri, 1 Hovo, 1 MTZ-82, 2 tıegishti paıdalana otyryp, 15 jergilikti turǵyn sý tasqynynyń saldaryn joıý boıynsha jumys isteýde.

Sonymen qatar Kesken-Bel aýylyndaǵy joldy tazartý úshin Jol-eksplýatatsııa mekemesinen 4 qyzmetker jáne 1 greıder jumyldyryldy.

Ottýk aýylynda 50-den astam úı men baý-baqsha sý astynda qaldy.

Sý basqan jerlerde 100-ge jýyq jergilikti turǵyn jáne azamattyq qorǵanys qyzmetiniń 30 qyzmetkeri jumys isteıdi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT