+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Ystanbulda jańa áýejaı ashyldy

2018 jylǵy 29 qazan 23:55
Bólisińiz:
Ystanbulda jańa áýejaı ashyldy

ANKARA. QazAqparat - Búgin túrik megapolısinde ashylǵan álemdegi iri áýe aılaǵy Ystanbul áýejaıy dep atalatyn boldy, dep habarlaıdy QazAqparat Anadoly agenttigine silteme jasap. Bul týraly búgin Ystanbuldaǵy úshinshi áýejaıdyń birinshi kezeńiniń ashylý saltanatynda Túrkııa prezıdenti Rejep Taıyp Erdoǵan aıtty.

«Ystanbul áýejaıy - Túrkııanyń zor maqtanyshy jáne ol búkil álemge úlgi bola alady», - dep atap ótti túrik lıderi.

Erdoǵannyń aıtýynsha, Ystanbulda jańa áýejaıdyń ashylýy tek Túrkııa ǵana emes, búkil álemge paıdaly bolmaq. Prezıdent Ystanbuldyń Túrkııanyń iri qalasy ǵana emes, eldiń eń qymbat brendi ekenin atap ótti.

«Ystanbul áýejaıynyń barlyq kezeńi paıdalanýǵa berilgennen keıin Atatúrik halyqaralyq áýejaıynda kommertsııalyq reıster bolmaıdy, biraq ol áýe aılaǵy mártebesin saqtap qalady», - dedi Rejep Taıyp Erdoǵan.

Onyń aıtýynsha, 2013 jyly Túrkııa bıligi jańa áýejaıdyń qurylysyna tender jarııalaǵan kezde kóp adam bul bastamanyń oıdaǵydaı júzege asatynyna senbegen.

«Birinshi kezeń ashylǵannan keıin Ystanbul áýejaıy jylyna 90 mln jolaýshyǵa deıin qyzmet kórsete alady. Barlyq kezeń iske qosylǵan soń bul kórsetkish 150 mıllıonǵa jetedi. Al qajettilik týsa, 200 mln adamǵa qyzmet kórsete alady», - dedi Erdoǵan.

Ystanbul áýejaıynyń barlyq kezeńiniń qurylysy 2028 jylǵa deıin tolyq aıaqtalady. Aldaǵy on jylda áýejaı keńeıe beredi.

«Ystanbul áýejaıynyń qurylysyna baǵyttalǵan ınvestıtsııa kólemi 10,247 mlrd eýroǵa jetti. Jańa áýejaıdan kelip túsetin memleket tabysy 32,4 mlrd eýro bolady», - dep atap ótti túrik lıderi.

Rejep Taıyp Erdoǵannyń sózinshe, búginde Túrkııa álemniń damyǵan 10 eliniń qataryna qosylýdy kózdep otyr.

Bizdiń kanalymyzǵa jazylyńyz:

#Álem   #Túrkııa   #Kólik  
Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT