+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Ystanbulda Qazaqstan-Túrkııa bıznes-forýmy ótedi

2019 jylǵy 8 qarasha 18:18
Bólisińiz:
Ystanbulda Qazaqstan-Túrkııa bıznes-forýmy ótedi

NUR-SULTAN. QazAqparat - 10 qarashada Túrkııanyń Ystanbul qalasynda eki eldiń memlekettik organdary men isker toptary ókilderiniń qatysýymen Qazaqstan-Túrkııa bıznes-forýmy ótedi. Bul jóninde Qazaqstannyń Túrkııadaǵy elshiligine silteme jasap QazAqparat habarlaıdy.

Atalǵan forýmnyń basty maqsaty - Qazaqstan men Túrkııa isker toptary arasyndaǵy baılanysty nyǵaıtýdy kózdeıtin alań quryp, eki memleket arasyndaǵy saýda jəne ınvestıtsııa salalaryndaǵy yntymaqtastyq perspektıvalaryn talqylaý.

Forýmǵa Qazaqstan men Túrkııanyń ulttyq kompanııalarynyń, damý qorlarynyń, saýda palatalarynyń basshylarynyń, memlekettik organdardyń joǵary laýazymdy tulǵalary men bıznes ókilderi qatysady dep kútilýde. Búgingi tańda is-sharaǵa nıet bildirgen 700-den astam túrik jəne 150 qazaqstandyq kəsipker tirkelgen.

Atalǵan is-shara Qazaqstan Respýblıkasynyń Premer-Mınıstri Asqar Mamınniń Qazaqstan-Túrkııa arasyndaǵy saýda-ekonomıkalyq yntymaqtastyq jónindegi úkimetaralyq komıssııasynyń 11-shi otyrysy sheńberindegi Túrkııaǵa sapary aıasynda uıymdastyrylady. Túrik tarapynan Úkimetaralyq komıssııanyń teń tóraǵasy - Túrkııa Respýblıkasynyń vıtse-prezıdenti F.Oktaı.

Forým barysynda elimizdiń ınvestıtsııalyq múmkindikteri tanystyrylyp, energetıka, mashına jasaý, hımııa, taý-ken metallýrgııa jəne toqyma ónerkəsibi, aýyl sharýashylyǵy, ınfraqurylym jəne qarjy salalaryndaǵy yntymaqtastyq perspektıvalary talqylanady.

Іs-shara barysynda túrik bıznesiniń kapıtandarymen B2B formatynda iskerlik kezdesýler ótýimen qatar, ınvestıtsııa tartý jəne birlesken ındýstrıaldy aımaqtar qurý jónindegi, memlekettik jáne jeke áriptestik jobalar jəne júk tasymaly salalaryndaǵy birqatar ekijaqty qujattarǵa qol qoıý kózdelip otyr.

Təýelsizdigimizdiń alǵashqy kúnderinen bastap ornatylǵan tereń dostyq jəne baýyrlastyq qarym-qatynas arqasynda Qazaqstan men Túrkııa arasyndaǵy ekonomıkalyq saladaǵy yntymaqtastyq belsendi damyp keledi. Osy rette túrik kompanııalarynyń Qazaqstandaǵy ınvestıtsııalyq jobalarǵa degen qyzyǵýshylyǵy artyp otyr. Atap aıtqanda, 2019 jyly Qazaqstanda túrik ınvestorlarynyń qatysýymen jalpy somasy 2,9 mlrd AQSh dollaryn quraıtyn 18 jobany júzege asyrý boıynsha jumys júrgizile bastady. Qazaqstan Respýblıkasy Ulttyq bankiniń məlimetine səıkes, 2019 jyldyń birinshi jartyjyldyǵynda Qazaqstan ekonomıkasyna quıylǵan túrik ınvestıtsııalarynyń kólemi 85 paıyzǵa artyp, 275 mln AQSh dollaryn qurady. Óz kezeginde, Túrkııa men Qazaqstan arasyndaǵy jyl saıynǵy syrtqy saýda aınalymy osy jyldyń 8 aıynda 2 mlrd AQSh dollarynan asty.

Josparlanyp otyrǵan is-shara iskerlik qarym-qatynas pen tikeleı baılanys ornatý konteksinde tıimdi platforma retinde ekijaqty saýda-ekonomıkalyq qatynasty damytýǵa, Qazaqstan men Túrkııa ekonomıkasyna sheteldik ınvestıtsııa tartýǵa yqpal etedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT