+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

XXXII Jazǵy Olımpıada alaýy jaǵylyp, oıyndar resmı túrde bastaldy

2021 jylǵy 23 shilde 20:48
Bólisińiz:
XXXII Jazǵy Olımpıada alaýy jaǵylyp, oıyndar resmı túrde bastaldy

NUR-SULTAN. QazAqparat - Japonııanyń Tokıo qalasynda XXXII Jazǵy Olımpıada oıyndarynyń alaýy jaǵyldy, dep habarlaıdy QazAqparat tilshisi.

Uqsas jańalyqtar
Japonııa COVID-19-ǵa qarsy úshinshi ekpeni engizýdi bastaýy múmkin Japonııada 100 jastan asqandar sany rekordtyq 86510 adamǵa jetti Japonııada Pfizer vaktsınasynyń tıimdiligi 85-96% dep baǵalandy

Olımpıada alaýyn jaǵý qurmetine japon tennısshisi Naomı Osaka ıe boldy.

Saltanatty rásim Japonııanyń 68 myń adam syıatyn Ulttyq stadıonynda ótkizildi. Dúbirli doda 23 shildede bastalyp, 8 tamyzda máresine jetedi.

Aıta ketsek, Olımpıada 2020 jyly osy ýaqyt aralyǵynda ótkizilýi tıis bolatyn. Álemdi jaılaǵan koronavırýs pandemııasyna baılanysty ol bir jylǵa keıinge shegerildi.

Aldyn ala málimet boıynsha aıtýly alamanǵa jumyr jer betindegi 206 memleketten 11 myńnan astam sportshy qatysady dep kútilýde. Jarysqa qatysýshylardyń teń jartysyna jýyǵy áıelder bolmaq.

Bıyl dúbirli dodada 33 sport túrinen 339 medal jıyntyǵy sarapqa salynady. Olımpıada baǵdarlamasyna beısbol/softbol, karate, serfıng, sporttyq quzǵa órmeleý jáne skeıtbordıng sekildi sporttyń bes túri engizilgen.

Olımpıadanyń ashylý saltanatyna 950 resmı tulǵa qatysty. Olardyń arasynda 15 memleket pen halyqaralyq uıym basshylary bar. Degenmen qaterli indetten saqtyq sharalaryna baılanysty stadıonǵa jankúıerler jiberilgen joq.

Byltyr Tokıo Olımpıadasynyń boıtumary retinde Mıraıtova jáne Someıtı bekitilgen edi. Japon tilininen tárjimalaǵanda Mıraıtova «bolashaq» jáne «máńgilik» sózderinen quralǵan. Bul bolashaqqa qadam basyp, álemdegi barsha halyqtyń júregine máńgilik senim ornatý degen oıdy bildiredi. Al Someıtı gúldegen sakýranyń sortynan týyndaǵan sóz. Ol qıyndyqqa moıymaı, shekaralardy buzyp ótetin paralımpıadashylardyń basty boıtumary bolmaq.

Eske salsaq, budan buryn XXXII jazǵy Olımpıadanyń ashylý saltanaty bastalǵanyn habarlaǵan edik.



Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT