+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Welcome to Aqtóbe: Aqtóbede alǵash ret jastarǵa arnalǵan telehıkaıa túsirildi

2019 jylǵy 17 qyrkúıek 20:34
Bólisińiz:
Welcome to Aqtóbe: Aqtóbede alǵash ret jastarǵa arnalǵan telehıkaıa túsirildi

AQTÓBE. QazAqparat – «Aqtóbe» telearnasy jańa maýsymda «Welcome to Aqtóbe» telehıkaıasyn tanystyrdy. 20 bólimnen turatyn telehıkaıa elimizdiń batys óńirinde alǵash ret túsirilgen, dep habarlaıdy QazAqparat tilshisi.

Uqsas jańalyqtar
Qazaqstandyqtarǵa detektıv janrynda túsirilgen telehıkaıa usynylady «Chernobyl» úzdik shaǵyn serıal atanyp, «Emmı» syılyǵyn jeńip aldy Túrkiden shyqqan tuńǵysh patshaıym Razııa Sultan týraly telehıkaıa efırge shyǵady

«Aqtóbe» arnasy otandyq kıno óndiriske óz úlesin qosty. Ótken jyly «Bir túp alma aǵashy» kórkem fılmi kórsetilse, bıyl Aqtóbe qalasynyń 150 jyldyǵy men Jastar jylyna oraı sıtkom janrynda telehıkaıa túsirdi. Telehıkaıada jan-jaqtan kelgen stýdentterdiń ómiri beınelengen. Ideıa avtory - Azamat Aınaǵulov, rejısseri - Marat Teleýov, al stsenarıı avtory - Órken Muqaqov.

«Stýdentterdiń rólin somdaý úshin arnaıy kastıng jarııalandy. Barlyǵy eki júzge jýyq jas keldi. Onyń ishinen tórt jigit, tórt qyz jáne qosymsha rólge úsh jasty tańdap aldyq. Sóıtip, qańtar aıynda eshqandaı qarjylyq qoldaý, demeýshiniń kómeginsiz iske kiristik. Bes aı jumys jasadyq. Telearna ǵımaratynyń jertólesin paıdalandyq. Barlyq sharýany ózimiz atqardyq. Al syrtta túsiriletin kadrlarǵa keıbir kafe-meıramhana basshylary demeýshilik kórsetti», - dedi Azamat Aınaǵulov.




Alǵashqy týyndyda aýdan, qala, shetelden kelgen jastardyń qyzyqty ómiri sýretteldi. Bir jataqhanada turatyn stýdentter túrli sátterdi bastan keshedi. Mahabbat, dostyq, adaldyq ta telehıkaıanyń negizgi jelisinen tabylady. Telehıkaıa 10 bólimnen turady. Ár bólimniń uzaqtyǵy - 20 mınýt.

«Bul kórermenge ońaı kórinýi múmkin. Biraq biz úlken qıyndyqpen túsirdik. Sebebi qarjylaı kómek, tehnıka, arnaıy mamandar bolmaǵannan keıin barlyǵyn ózimiz jasaýǵa týra keldi. Bundaı telehıkaıa elimizdiń batys aımaǵynda alǵash ret túsirilip otyr. Alǵashqy qadam qashanda qıyn. Bir aıta keterligi, týyndyny tek qana aqtóbelikter túsirdi. Oınaǵan ártister de aqtóbelik jastar boldy. Sondyqtan Aqtóbeniń týyndysy dep tolyq aıtýǵa bolady. Demeýshi bolsa, telehıkaıanyń ekinshi kezeńin túsirý de josparda bar», - dedi rejısser Marat Teleýov. Telehıkaıa ár jeksenbi saıyn kórsetiledi. Alǵashqy serııasy 22 qyrkúıek kúni saǵat 21:00-de bastalady. Aıta keteıik, jańa maýsymda «Kezder-aı», «Zamana», «Azamat eken» jáne «Áıelder álemi» sııaqty jańa baǵdarlamalar kórermenge usynylady.




Bizdiń kanalymyzǵa jazylyńyz:

Basty sózder: Aqtóbe oblysy, Mádenıet, Óner,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT