+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Volonterlerden syılyqqa úı alǵan aqtóbelik qart kózine jas aldy

2020 jylǵy 21 aqpan 04:26
Bólisińiz:
Volonterlerden syılyqqa úı alǵan aqtóbelik qart kózine jas aldy

AQTÓBE. QazAqparat - Aqtóbe oblysy, Baıǵanın aýdany, Jarqamys aýylynyń turǵyny Tańjarbaı Jaqın baspanaly boldy. Baspanany aýyl volonterleri syılady, dep habarlaıdy QazAqparat tilshisi.

Uqsas jańalyqtar
Semeıde volonterler 70-ten asqan qarttarǵa azyq-túlik pen dári-dármek jetkizýde Atyraýlyq oqýshy volonterlerge arnalǵan mobıldik qosymsha jasap shyǵardy Kókshetaýda jalǵyz basty qarııalarǵa túski as úılerine jetkizilýde

Jarqamys aýylynyń eriktileri qazir «Nur Shapaǵat» tobyna birikken. Ótken jyldyń jeltoqsan aıynan bastap jastar aýyldaǵy muqtaj otbasylarǵa jumyla qamqorlyq kórsetý, jalǵyz qalǵan qarııalarǵa kómek berýdi maqsat etti.


«El ishinde volonter qyzmeti jeti baǵytta jumys istep jatyr. Biz kóbine qaıyrymdylyq baǵytyn tańdap otyrmyz. Toptyń quramyndaǵy jastardyń deni nurotandyqtar. Osyǵan deıin kópbalaly 18 otbasyǵa kómek kórsettik. Taıaýda 65 jastaǵy jalǵyzbasty qarııaǵa aýyl turǵyndarynyń kómegimen baspana alyp berdik. Ol ózi qarashańyraqta turady. Biraq baspanasy apatty jaǵdaıda edi. Biz aýyl adamdarynyń, kásipkerlerdiń kómegimen aqsha jınap, úıdi alyp, ishin áktep, qajetti jabdyǵyn jetkizdik. Úıde ortalyqtandyrylǵan sý men gaz bar. Al qarııany aýyl aqsaqaldary kóndirip, kóshýge kelisimin aldy», - dedi Úmit Aqbolatqyzy.


Aıta keteıik, eriktiler sondaı-aq qaıyrymdylyq kontsertter uıymdastyryp, 2 naýqas sábıge shetelde operatsııa jasaýǵa kómek berdi. Qysta jalǵyzbasty qarııalardyń aýlasyndaǵy qardy kúrep, úıin áktep, tazalap beredi.
«Volonterlerdiń front-keńsesiniń ashylýynda Prezıdentimiz Qasym-Jomart Toqaev bizdiń bastamalarymyzdy qoldady. Bul bizge erekshe serpin berdi, ıdeıalarymyzǵa qanat bitirdi. Astanadan tyń josparlarmen oraldym. Ózim aýylda kitaphanashymyn. Eriktilik bizdiń negizgi jumysymyzǵa kedergi emes. Alǵashynda tosyrqaı qaraǵandar boldy. Biraq ýaqyt óte kele qoldaýshylar tabyldy. Biz uıymshylmyz, árdaıym birgemiz. Alǵa josparymyz kóp. Naýqas balalardyń emine qol ushyn sozyp, aqsha jınap bergimiz keledi», - deıdi Úmit Aqbolatqyzy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT