+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Volonter jyly: EUÝ eriktileri 6 baǵytta jumys isteıdi

2020 jylǵy 28 qańtar 18:00
Bólisińiz:
Volonter jyly: EUÝ eriktileri 6 baǵytta jumys isteıdi

NUR-SULTAN. QazAqparat – L. N. Gýmılev atyndaǵy Eýrazııa ulttyq ýnıversıtetinde Volonterler jyly saltanatty túrde ashyldy, dep habarlaıdy QazAqparat tilshisi.

Uqsas jańalyqtar
Polıtseıler men volonterler zeınetkerlerdiń aýlasyn qardan tazartty Kúrshimdik eriktiler jalǵyzbasty qarttarǵa kómir alyp berdi – ShQO Volonterlerden syılyqqa úı alǵan aqtóbelik qart kózine jas aldy

Jyl sońyna deıin ýnıversıtet eriktiler qataryna 5 myń stýdent tartýdy josparlap otyr.

«Joǵarǵy bıliktiń, memlekettiń jastarǵa degen oń kózqarasy naqty istermen kórinip jatyr. Byltyrǵy Jastar jyly men bıylǵy Volonter jyly - soǵan dálel. Táýelsiz elimizdiń azamaty kim bolýy kerek, onyń boıynda qandaı qasıetter bolýy kerek? Eń asyl qasıetterdiń birden-biri – jaqynyna kómektesý, meıirimdilik, qol ushyn sozý, birlikte bolý. Volonterlik osynyń barlyǵyna baýlıdy. Bul jańadan paıda bolmaǵan, adam adam bolǵaly bar nárse. Adam – áleýmettik top. Tipti, qolǵa mal úıretpeı turǵanda da, ań aýlap, úńgirde turǵanda da qar basyp qalǵan kórshisin arshyp alatyn bolǵan. Oǵan aqy da suramaıtyn. Osyndaı nıet adamzattyń bárinde bar. Sony oıata bilý kerek», - dedi L. N. Gýmılev atyndaǵy EUÝ rektory Erlan Sydyqov ýnıversıtette ótken «ENU Volunteers» kontsertinde.

Sonymen birge, rektor volonterlikti naýqanshyldyqqa aınaldyrmaý qajettigin eske saldy.

«Volonterlik – bir jyldan keıin umytyp ketetin jumys emes. Bizdiń ýnıversıtette volonterliktiń negizi qalyptasqan. Máselen, 2017 jyly EKSPO-da myńdaǵan stýdentimiz volonter bolyp jumys istedi. Sonyń arqasynda ózin tekserdi, shyńdaldy, tájirıbe jınaqtady, túrli dostar taýyp, jan-jaqty adam bolyp qalyptasýyna múmkindik aldy. Arys oqıǵasynda da stýdentterimiz qarap qalǵan joq. Eshkim tapsyrma bermese de, ózderi jınalyp, 170-ke jýyq stýdent Arysta jaz boıy jumys istedi. Bireýi de aqsha men jeńildik surap kórgen joq. Munyń barlyǵy qoǵamdy biriktiredi, halyqty, ultty biriktiredi. Sondaı bereke-birlikten memleket te myqty bolady», - dedi E. Sydyqov.

EUÝ Áleýmettik jáne azamattyq damý departamentiniń dırektory Rústem Álqoja «ENU Volunteers» jobasyn jan-jaqty túsindirip berdi.

«Joba alty baǵytta jumys isteıdi, jyl sońyna deıin 5 myńnan astam stýdentti osy jobaǵa jumyldyrǵymyz keledi. «Jaqsy is» baǵytynda EUÝ eriktileri qalalyq senbilikke shyǵý, mektep oqýshylaryna arnap semınarlar ótkizý, Jeńistiń 75 jyldyǵyna baılanysty qaraýsyz qalǵan qarttardyń úıine baryp tazalyq júrgizý, kúndelikti turmysyna kómektesý, jer úıde turatyndardyń aýlasyn tazalaý jumystary júrgizilmek. «Mádenı suhbat» baǵytynda – ýnıversıtettiń teatr ujymy, ánshiler, orkestrler balalar úıinde óner kórsetip, olardyń oı-órisine, rýhanı baıýyna septigin tıgizedi», - dedi R. Álqoja.

«Qaıyrymdy orta» baǵytynda – áleýmettik kómekke muqtaj jandar úshin aktsııalar uıymdastyrylady. Tórtinshi baǵyt – «Óristi ónerde» ýnıversıtettiń dombyra, qobyz, baıan, jetigende oınaıtyn stýdentteri balalar úıiniń tárbıelenýshilerine tegin sabaq úıretedi.

«Besinshi baǵytymyz – «Taza qala» dep atalady. Eriktiler qorshaǵan ortany tazalap qana qoımaı, ashyq qalǵan qudyqtardy tekserip, qaýipsizdikke úles qosady. «Medıa alań» baǵytynda – áleýmettik jeli arqyly jastarǵa oı salatyn áleýmettik mańyzy bar beınerolıkter taratý josparlanyp otyr», - dedi ýnıversıtet ókili.

Onyń aıtýynsha, Volonter jyly aıasynda Prezıdent tapsyrmasymen erikti stýdentterge qosymsha aqy tólenedi.

Óz kezeginde ýnıversıtet úzdik eriktilerdi alǵyshattarmen marapattap, jylyna 4 ret Zerendide ornalasqan oqý-saýyqtyrý ortalyǵyna demalysqa jiberedi.

Al Stýdentter men magıstranttar kásipodaǵy úzdik eriktilerge, uıymdastyrýshylarǵa stıpendııa taǵaıyndap otyrady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT