Vladımır Pýtın Elbasy Nursultan Nazarbaevqa quttyqtaý joldady
2021 jylǵy 1 jeltoqsan 20:31

Vladımır Pýtın Elbasy Nursultan Nazarbaevqa quttyqtaý joldady

NUR-SULTAN. QazAqparat – Reseı Prezıdenti Vladımır Pýtın Elbasy Nursultan Nazarbaevqa Qazaqstan Prezıdentiniń alǵashqy jalpyhalyqtyq saılaýyndaǵy jeńisiniń 30 jyldyǵymen quttyqtap, jedelhat joldady. Jedelhat mátini Kreml saıtynda jarııalandy, dep habarlaıdy QazAqparat tilshisi.

«Qurmetti, Nursultan Ábishuly! Qazaqstan Respýblıkasy Prezıdentiniń birinshi jalpyhalyqtyq saılaýyndaǵy jeńisińizdiń 30 jyldyǵyna – ataýly dataǵa oraı shyn júrekten quttyqtaýymdy qabyl alyńyz. Sizdiń memleket basshysy bolǵan jyldaryńyz qazirgi zamanǵy qazaqstandyq memlekettik qalyptasý kezeńine aınaldy. Sizdiń basshylyǵyńyzben respýblıka ekonomıkalyq, áleýmettik, ǵylymı-tehnıkalyq jáne basqa da salalarda tamasha jetistikterge qol jetkizdi. Álemdik arenada joǵary bedelge ıe boldy. Sizdiń reseılik-qazaqstandyq strategııalyq seriktestik jáne odaqtastyq qarym-qatynasty qalyptastyrýǵa ári damytýǵa, sonymen qatar postkeńestik keńistiktegi ózara tıimdi ıntegratsııalyq protsessterdi, EýrazES, UQShU, TMD, ShYU jáne ózge de kópjaqty qurylymdar aıasyndaǵy syndarly yntymaqtastyqty jolǵa qoıýǵa qosqan jeke úlesińizdi baǵalaý óte qıyn. Sizdiń boıyńyzdaǵy memleket qaıratkeriniń mol tájirıbesi, jan-jaqty bilim, saıası danalyq pen kóregendilik Qazaqstanǵa da, halyqaralyq isterde aldaǵy ýaqytta da qajet bola beretindigine kúmán keltirmeımin. Bizdiń adal qarym-qatynasymyzdy shynaıy baǵalaımyn jáne dostyq baılanysymyzdyń jalǵasatyndyǵyna senemin. Sizge zor densaýlyq, uzaq ǵumyr, baqyt, jan sergektigi men tabystar tileımin! Qurmetpen, Vladımır Pýtın», - delingen jedelhatta.


Seriktester jańalyqtary

Jańalyqtar

Úrdis

MURAǴAT