+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Vladımır Bekker Túrkistandaǵy jarylysqa ne sebep bolǵanyn aıtty

2019 jylǵy 13 qyrkúıek 19:09
Bólisińiz:
Vladımır Bekker Túrkistandaǵy jarylysqa ne sebep bolǵanyn aıtty

NUR-SULTAN. QazAqparat – QR ІІM Tótenshe jaǵdaılar komıtetiniń tóraǵasy Vladımır Bekker Túrkistandaǵy jarylysqa qandaı kemshilikter sebep bolǵanyn aıtty, dep habarlaıdy QazAqparat tilshisi.

Uqsas jańalyqtar
Túrkistandaǵy jarylys: Birneshe adam aýrýhanaǵa jetkizildi Túrkistan qalasynda qonaqúı aýmaǵynda jarylys boldy
«Eń bastysy, Túrkistandaǵy jarylystan eshkim kóz jumǵan joq. Jalpy, 12 adam jaraqat aldy. Jeteýi oblystyq tótenshe jaǵdaılar departamentiniń qyzmetkeri. Olardyń beseýi aýrýhanaǵa jatqyzyldy. Sondaı-aq, 3 polıtsııa qyzmetkeri men 2 qarapaıym azamat zardap shekti. Oqıǵaǵa gaz tasymaldaıtyn kóliktiń jarylýy sebep bolǵan. Qonaq úı 2016 jyly turǵyzylyp, paıdalanýǵa berilgen. Jylytý júıesine, sý ysytý júıesine onda gaz qubyrlary paıdalanylǵan. Qonaq úıdi gazben qamtý úshin 5-6 metr jerde syıymdylyǵy 2-3 tekshe metrlik gazgolder ornatylǵan. Bul jerde qurylys normasy buzylyp tur. Sebebi, qonaq úı ǵımaraty men gazgolderdiń aralyǵy – gazgolder jer ústinde turǵan jaǵdaıda 40 metr bolýy tıis. Al gazgolder jer astynda turǵan jaǵdaıda 15 metrlik aralyq jetedi», - dedi Vladımır Bekker elordada ótken baspasóz máslıhatynda.

Komıtet tóraǵasynyń aıtýyna qaraǵanda, odan bólek jylytý júıesine baılanysty qurylys normalaryn buzý jaǵdaıy da bolǵan.

«Gaz qazandyqtary ǵımarattyń astyńǵy bóliginde ornatylǵan. Gazgolderdi gaz tasýshy kólikpen toltyrý kezinde gaz tógilip ketip, oǵan ot jaıylyp, onyń sońy jarylysqa ulasyp otyr. 2 myń sharshy metrge órt jaıyldy. Terezeler ushyp ketti. Qonaq úı qysqasha aıtqanda qazir qoldanysqa jaramaı qaldy», - dedi ol.

Vladımır Bekker tótenshe jaǵdaıdar komıtetiniń qyzmetkerleri oqıǵa ornyna birden jetkenin, birneshe adam zardap shekkenin aıtady.

«Túrkistan oblysy órt sóndirý qyzmeti bastyǵynyń orynbasarynyń denesi 38 paıyz kúıip ketken. Jigitterdiń biriniń buǵanasy syndy. Qalǵandarynyń denesi 10 paıyzdyq deńgeıde kúıgen. Árıne, kásipkerlerdiń qurylys normasyn, gaz qurylǵysyn paıdalaný erejesin buzýy - óte jaısyz jaǵdaı. Oqıǵanyń saldary budan da aýyr bolýy múmkin edi. Qonaq úıde adam kóp bolǵan kezde mundaı jarylys kez kelgen ýaqytta tirkelýi múmkin edi», - dedi ol.

Qazirgi ýaqytta atalmysh oqıǵa boıynsha qylmystyq is qozǵalǵan.

Eske sala keteıik, Túrkistan qalasyndaǵy Sattarhanov kóshesinde ornalasqan «ROYAL GRAND HOTEL» qonaqúıiniń aýmaǵynda jarylys boldy. Málim bolǵandaı, qonaqúıdiń artqy jaǵynda gaz tsısternasyn toltyrý barysynda gaz tasymaldaıtyn avtokólik jarylǵan.

«Qazirgi tańdaǵy aqparat boıynsha, qaza bolǵandar joq», - dedi oblystyq Tótenshe jaǵdaılar departamentiniń bastyǵy Nurǵalı Júnisov.

Oqıǵa saldarynan japa shekken jandarǵa medıtsınalyq kómek kórsetildi.

«Royal Grand» qonaqúıinde oryn alǵan órt saldarynan 11 adam zardap shekken. 6 órt sóndirý qyzmetkeri medıtsınalyq kómekke júgingen. 3 polıtsııa qyzmetkeri jáne 2 qala turǵynyna medıtsınalyq járdem kórsetilgen. Ortalyq qalalyq aýrýhanaǵa 5 zardap shegýshi jetkizildi. Olardyń tórteýi jatqyzylyp, bir azamat qaıtaryldy. Jaraqat beketine 3 adam tasymaldandy. Oqıǵa ornynda polıtseıler men TJQ qyzmetkerleri jumys jasaýda» delingen habarlamada.

Túrkistandaǵy órtke baılanysty QR Іshki ister mınıstri, polıtsııa general-leıtenanty Erlan Turǵymbaev pen QR Densaýlyq saqtaý mınıstri Eljan Birtanov kúıik shalǵan adamdardyń jaǵdaıyn baryp bilip qaıtty.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT