Vıtse-premer Erulan Jamaýbaev qansha jalaqy alatynyn aıtty
2022 jylǵy 28 maýsym 11:29

Vıtse-premer Erulan Jamaýbaev qansha jalaqy alatynyn aıtty

NUR-SULTAN. QazAqparat – Premer-Mınıstrdiń orynbasary, Qarjy mınıstri Erulan Jamaýbaev óziniń eki laýazymynda qansha jalaqy alatynyn aıtty, dep habarlaıdy QazAqparat tilshisi.

«Jalaqymdy Qarjy mınıstrliginen alamyn jáne vıtse-premer retinde qosymsha aqy tólenedi. Shamamen jalpy jalaqym 1,5 mln teńgeni quraıdy. Al mınıstr retinde-shamamen 1,3 mln teńge», - dep jaýap berdi Erulan Jamaýbaev Úkimet úıinde tilshiler suraǵyna.

Sonymen birge mınıstr sheneýnikterdiń deklaratsııalaryn jarııalaý týraly suraqqa da jaýap berdi.

«Bul másele de jalpy talqylanyp jatyr. Biz memlekettik qyzmetshilermiz, bizdiń jalaqymyzdy jaqsy bilesizder. Jyl saıyn deklaratsııany kim tapsyrady – árıne, memlekettik qyzmetshiler. Biz jalpyǵa birdeı deklaratsııalaý jolymen kele jatyrmyz jáne 2025 jylǵa qaraı respýblıkamyzdyń barlyq azamaty ózderiniń jyl saıynǵy deklaratsııalaryn jarııalaıtyn, tapsyratyn kezge kelemiz. Sonda barlyǵy belgili bolady. Men de óz deklaratsııamdy usynýǵa daıynmyn», - dedi E. Jamaýbaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT