+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Vıtse-mınıstr: Sport mektebindegi bapkerler 40 myń teńge jalaqy alady

2019 jylǵy 19 qarasha 12:16
Bólisińiz:
Vıtse-mınıstr: Sport mektebindegi bapkerler 40 myń teńge jalaqy alady

NUR-SULTAN. QazAqparat – QR Parlamenti Senatynda Balalar men jasóspirimder sporttyq mektebindegi bapkerlerdiń tómen jalaqysy máselesi kóterildi, dep habarlaıdy QazAqparat tilshisi.

«Mektep oqýshylary sporttyq úıirmelerge barýy úshin abonementterge Bilim jáne ǵylym mınıstrliginen qarajat bólý josparlanýda. Bul arqyly elimizde tegin úıirmelerdiń joq ekenin memlekettiń ózi rastap otyrǵan sekildi. Al BǴM esepterinen tegin úıirmelerdiń bar ekenin oqımyz. Ekinshiden, bul ataýly áleýmettik kómek sekildi dúrligý týǵyzbaı ma? Kimge, ne úshin, qaı sanatqa, qansha berýimiz kerek degen suraqtar týyndaıdy», - dep surady Senat depýtaty Serik Bekturǵanov Áleýmettik-mádenı damý jáne ǵylym komıtetiniń keńeıtilgen otyrysynda.

Mektep oqýshylarynyń sporttyq abonementteri boıynsha QR Mádenıet jáne sport vıtse-mınıstri Eldos Ramazanov Bilim jáne ǵylym mınıstrligimen tyǵyz jumys istep jatqandaryn jetkizdi.

«Ázirge Berdibek Saparbaevtyń (QR Premer-Mınıstriniń orynbasary – red.) tapsyrmasymen sporttyq zaldardyń, sporttyq ınfraqurylymnyń qoljetimdiligi jóninde Bilim jáne ǵylym mınıstrligimen kelisim bekitildi. Mektep oqýshylaryna arnalǵan abonementter boıynsha, óńirlerdi aralap júrmiz. Úıirmelik sabaq úshin dene tárbıesi pániniń muǵalimine qosymsha aqy tóleý máselesi bar. Buryn bazalyq qyzmettik jalaqynyń 45% tólenetin. Qazir bul qosymsha aqyny alyp tastady jáne óz isine shyn berilgen muǵalimder ǵana qaldy. Sondyqtan, buqaralyq sport týraly zań jobasynda osy máseleni kótergimiz keledi», - dep jaýap berdi E. Ramazanov.

Sonymen birge, vıtse-mınıstr Balalar men jasóspirimder sporttyq mektebindegi bapkerlerdiń qansha jalaqy alatynyn aıtty.

«Balalar men jasóspirimder sporttyq mektebindegi bapkerler shamamen 40 myń teńge eńbekaqy alady. Eger jalaqyny kóterý amaldaryn oılastyrmasaq, aldaǵy eki jylda rezerv qalmaı qalady», - dedi Eldos Ramazanov.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT