Vıtse-mınıstr Shymkentte bas dárigerdiń ustalýyna pikir bildirdi

NUR-SULTAN. QazAqparat – QR Іshki ister mınıstriniń orynbasary Rashıd Jaqypov Shymkent qalalyq №1 klınıkalyq aýrýhanasy bas dárigeri Abylaı Donbaıdyń ustalýyna qatysty pikir bildirdi, dep habarlaıdy QazAqparat tilishisi.

Uqsas jańalyqtar

Alekseı Kalaıchıdı qylmystyq is qujattarynyń jelide taralýyna qatysty pikir bildirdi

«Atalǵan oqıǵanyń sebebin ózderińiz bilesizder. Degenmen túsinik bere almaımyn, zańnama qylmystyq istiń mán-jaıyn ashýǵa tyıym salady. Bultartpaý sharasy adam aǵzasyn zańsyz transplantatsııalaý faktisi boıynsha tergelip jatqan qylmystyq iske sáıkes iske asyrylýda», - dedi R. Jaqypov Májiliste tilshiler saýalyna jaýap bere otyryp.

Osy oraıda, ol bas dárigerge qatysty qamaýǵa alý sheshimi qabyldanǵanyn eske saldy.

Sonymen qatar, mınıstrdiń orynbasarynan tilshiler operatsııa jasaý úshin A. Donbaıdy bosatý múmkindigi týraly surady.

R. Jaqypovtyń sózine qaraǵanda, eger de qylmystyq isti júrgizý protsesinde osyndaı ótinishhat bolsa, onda bul ótinish qarastyrylýy múmkin.

Budan buryn habarlanǵandaı, 18 qarashada QR ІІM Tergeý departamenti Shymkent qalalyq №1 klınıkalyq aýrýhanasy» sharýashylyq júrgizý quqyǵyndaǵy qalalyq kommýnaldyq kásipornynyń bas dárigeri Donbaı Abylaı Ábdijapparulyn ustap, ýaqytsha oqshaýlaǵyshqa qamaldy.

Oǵan QR QK 264-baby 2-tarmaǵynda (transulttyq qylmystyq topqa qatysý) jáne 116-baby 3-tarmaǵynda (adam aǵzasyn zańsyz alý) kózdelgen qylmystyq quqyq buzýshylyqqa jol berdi degen aıyp taǵylýda.