Vıtse-mınıstr pedagogterdiń oqý júktemesin bólýde qaıshylyqtar bar ekenin aıtty
2022 jylǵy 5 shilde 14:27

Vıtse-mınıstr pedagogterdiń oqý júktemesin bólýde qaıshylyqtar bar ekenin aıtty

NUR-SULTAN. QazAqparat – Óńirlerde pedagogterdiń oqý júktemesin eki stavkaǵa deıin jetkizý jaǵdaılary bar. Bul týraly QR Oqý-aǵartý birinshi vıtse-mınıstri Sholpan Karınova aıtty, dep habarlaıdy QazAqparat tilshisi.

«Bir pán boıynsha oqý júktemesi 8 saǵattan artyq bolǵan jaǵdaıda qosa atqarýshy pedagog konkýrs arqyly jumysqa qabyldanady. 8 saǵattan kem bolǵan jaǵdaıda bos oryn júktemesi bir bilim berý uıymynyń pedagogtaryna bólinip beriledi. Alaıda, zań boıynsha 9 nemese odan da kóp bos saǵat bolǵan jaǵdaıda saǵattardy bólip, taratýǵa múmkinshilik joq. Ulttyq bilim berý derekter qory málimetterine sáıkes, óńirlerde bos saǵattardyń árkelki bólinip berý faktileri bar. Onyń ishinde saǵattardy bólý, pedagogterdiń oqý júktemesin eki stavkaǵa deıin jetkizý jaǵdaılary bar», - ol mınıstrliktiń apparat jınalysynda.

Onyń atap ótýinshe, 16 saǵattan kem oqý júktemesi bar pedagogterdiń úlesi Qyzylorda oblysynda 31, Soltústik Qazaqstan oblysyda 27, Qostanaı oblysynda 25 paıyzdy quraıdy.

«Nur-Sultan men Almaty qalasynda pedagogterdiń jetispeýshiligi baıqalady. Sonyń áserinen, 1, 1,5 stavkamen júrgen muǵalimderdiń sany artyp otyr. Ol Almatyda 70, Nur-Sultanda 54 paıyzdy quraıdy. Sondyqtan osy eki qalada jáne basqa da qalalarda mundaı jaǵdaılardy qarastyra otyryp, jańa oqý jylynyń basynda tıisti pedagogıkalyq júktemeniń durys bólinýin, tarıfıkatsııanyń durys jasalýyn basty nazarǵa alý qajet», - dedi Sholpan Karınova.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT