+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Vengrııadaǵy Qazaqstan stýdentteriniń elge kelýine eshqandaı kedergi joq - Aıjan Esmaǵambetova

2020 jylǵy 4 shilde 12:35
Bólisińiz:
Vengrııadaǵy Qazaqstan stýdentteriniń elge kelýine eshqandaı kedergi joq - Aıjan Esmaǵambetova

NUR-SULTAN. QazAqparat - Vengrııadaǵy Qazaqstan stýdentteriniń elge kelýine eshqandaı kedergi joq. Bul týraly QR Bas memlekettik sanıtar dárigeri Aıjan Esmaǵambetova aıtty, dep habarlaıdy QazAqparat tilshisi.

«Áýe kemeleriniń ushyp kelý kestesinde Vızar áýe kompanııasynyń Býdapesh -Nur-Sultan baǵytyndaǵy reısi 5 shilde kúni saǵat 21-35-te keletindigi josparlanǵan. ıAǵnı, bizdiń tarapymyzdan Býdapesh qalasynan stýdentterdiń kelýine eshqandaı shekteý qoıylmaıdy», - dedi Bas sanıtar dáriger Ortalyq kommýnıkatsııalar qyzmetindegi brfıng barysynda BAQ ókilderiniń saýalyna oraı.

Sonymen qatar ol QR Bas memlekettik sanıtar dárigeriniń 2020 jylǵy 24 maýsymdaǵy 42-qaýlysyna sáıkes, elderdiń sanattaryna jáne halyqaralyq áýe reısimen keletin jolaýshylarǵa qatysty shekteý sharalary 3-sanatqa bólingenin aıtty. Birinshi sanatqa Qytaı, Ońtústik Koreıa, Japonııa, Grýzııa, Taıland, Vengrııa, Úndistan, Germanııa, Chehııa, Malaızııa kiredi. Bul elden keletin jolaýshylardan tek termometrııa men saýalnama alynady. Ekinshi sanatqa Túrkııa, Mysyr, Ýkraına, Polsha, Ózbekstan, Qyrǵyzstan, Tájikstan jáne úshinshi sanat elderinen turaqty emes evakýatsııalyq jáne charterlik reıstermen keletin jolaýshylarǵa termometrııa, saýalnama júrgiziledi. Bul rette 2-sanattan kelgen jolaýshylarda 5 táýlikten aspaıtyn ýaqyt ótken PTR-ádistemesimen zerthanalyq teris nátıjesi bar anyqtamasy bolsa shekteýsiz júre alady.

«Al anyqtama bolmaǵan jaǵdaıda ushyp kelgen kúnnen bastap 48 saǵat ishinde PTR testinen mindetti ótýi týraly habarlama beriledi nemese olar 14 kúnge úı karantınine ornalastyrylady», - dedi Aıjan Esmaǵambetova.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT