Velomaýsym bastalǵaly astanalyqtar 400 myńǵa jýyq shaqyrym júrip ótti
2022 jylǵy 22 maýsym 08:02

Velomaýsym bastalǵaly astanalyqtar 400 myńǵa jýyq shaqyrym júrip ótti

NUR-SULTAN. QazAqparat – Nur-Sultan qalasynda «Astana Bike» maýsymy bastalǵaly beri velosıpedti jalǵa alý qyzmetin paıdalanýshylar 400 myńǵa jýyq shaqyrym júrip ótti.

«City Transportation Systems» kompanııasynyń málimetinshe, velomaýsym ashylǵan 15 sáýirden beri jańa paıdalanýshylar sany 6 265 adamǵa artty. Velosıpedpen júrýdi unatatyn turǵyndar barlyǵy 172 638 sessııa jasap, 397 823 shaqyrym jol júrip ótken.

Qala boıynsha barlyǵy 155 stantsııa ornalasqan. Olarda 1000 velosıped bar. Standartty bir aılyq abonement baǵasy 2500 teńge. Sondaı-aq jeńildikter bar. Abonementterdi satyp alý, eki dóńgelekti kólikti jaldaý boıynsha barlyq aqparat www.velobike.kz saıtynda jarııalanǵan. Velosıpedterdi 24/7 rejıminde qoldanýǵa bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT