+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Vedomstvoaralyq komıssııa Qazaqstannyń birqatar qalasynda karantın sharalaryn kúsheıtti

2021 jylǵy 27 shilde 18:04
Bólisińiz:
Vedomstvoaralyq komıssııa Qazaqstannyń birqatar qalasynda karantın sharalaryn kúsheıtti

NUR-SULTAN. QazAqparat - Búgin QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfektsııanyń taralýyna jol bermeý jónindegi VAK otyrysy ótti, dep habarlaıdy primeminister.kz.

Uqsas jańalyqtar
Jańa qaýly: ShQO-da úıirmelerge 15 baladan asyrmaı jumys isteýge ruqsat berildi Qazaqstandyqtar karantın talabyn saqtamaǵany úshin 2 mlrd teńge aıyppul tólegen Karantın: BAQ ókilderiniń memlekettik organdarǵa kirýine ruqsat berilýi múmkin

Vıtse-premer densaýlyq saqtaý mınıstri men Nur-Sultan, Almaty, Shymkent qalalary, Qaraǵandy, Atyraý oblystary basshylyǵynyń óńirlerdegi epıdemıologııalyq jaǵdaı týraly esebin tyńdap, medıtsınalyq uıymdar men halyqty qajetti dárilik zattarmen jáne medıtsınalyq buıymdarmen tolyqqandy jáne úzdiksiz qamtamasyz etý boıynsha sharalar qabyldaýdy tapsyrdy.

Vedomstvoaralyq komıssııa eldegi táýliktik syrqattanýshylyqtyń 65%-yn jáne táýliktik ólim-jitim jaǵdaılarynyń 55%-yn quraıtyn Nur-Sultan, Almaty, Shymkent, Atyraý, Qaraǵandy qalalarynda karantın sharalaryn kúsheıtý týraly sheshim qabyldady.

Bul óńirlerde bıylǵy jyldyń 2 tamyzynan bastap mynadaı shekteý sharalary kúshine enedi:

  • ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn qospaǵanda, «Ashyq» jobasyna qatyspaıtyn barlyq kásiporyndar men uıymdardyń qyzmetin toqtata turý;
  • oıyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyıym salý;
  • memlekettik organdar, keńseler, ulttyq kompanııalar men ózge de uıymdar qyzmetkerleriniń 80%-yn qashyqtan jumys isteýge aýystyrý (vaktsına saldyrǵandardy jáne sońǵy 3 aı ishinde aýyryp jazylǵandardy qospaǵanda).

Sondaı-aq, Aqmola, Almaty, Qaraǵandy oblystarynyń ákimdikterine Nur-Sultan (Býrabaı, Tselınograd, Arshaly aýdandary), Almaty (Qarasaı, Talǵar, Іle, Eńbekshiqazaq aýdandary), Shymkent qalalarymen (Saıram, Tólebı aýdandary), Qaraǵandymen (Temirtaý, Shahtınsk, Abaı) shekaralas aýdandarynda karantın sharalaryn kúsheıtý boıynsha sharalar qabyldaý usynyldy.

Óńirlerdiń ákimdikterine shekteýler engizý jáne olardyń saqtalýyn baqylaý boıynsha barlyq sharalardy qabyldaý tapsyryldy.

Vıtse-premer koronavırýs ınfektsııasynyń taralýyna qarsy kúreste monıtorıng toptarynyń jumysynyń mańyzdylyǵyn jáne barlyq óńirlerde osy baǵyttaǵy belsendiliktiń tómendigin atap ótti. ShOB nysandaryn reıdtermen qamtýdyń barynsha tómendeýi Aqtóbe, Mańǵystaý, Soltústik Qazaqstan, Jambyl, Qyzylorda, Aqmola, Atyraý oblystarynda, sondaı-aq Almaty jáne Shymkent qalalarynda baıqalady. Anyqtalǵan buzýshylyqtar sanynyń tómendeýi Mańǵystaý, Pavlodar, Almaty, Soltústik Qazaqstan jáne Aqtóbe oblystarynda baıqalady.

E. Toǵjanov barlyq óńirlerde monıtorıng toptarynyń jumysyn jandandyrýdy tapsyrdy.

Sondaı-aq, vıtse-premer elimizdiń keıbir óńirlerinde vaktsınalaýdyń tómen qarqynyn atap ótti. Mysaly, Mańǵystaý oblysynda halyqtyń tek 25,6%-y birinshi komponentpen egildi, bul respýblıka boıynsha ortasha mánnen 2 ese tómen (52,4%). 6 óńirdiń (BQO, Aqtóbe, Qostanaı, Qaraǵandy, Jambyl, Pavlodar oblystary) kórsetkishteri el boıynsha ortasha mánnen aıtarlyqtaı artta qalyp otyr.

Bas memlekettik sanıtarlyq dárigerdiń 2021 jylǵy 14 shildedegi №32 Qaýlysyna sáıkes bıylǵy jylǵy 10 tamyzǵa deıingi merzimde qyzmet kórsetý salasynyń barlyq qyzmetkerleri COVID-19 vaktsınasynyń birinshi komponentimen ekpe alýy tıis.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT