+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Varshava - Qaraǵandy reısiniń jolaýshylary arasynda koronavırýs juqtyrǵandar bolǵan joq

2020 jylǵy 25 naýryz 21:18
Bólisińiz:
Varshava - Qaraǵandy reısiniń jolaýshylary arasynda koronavırýs juqtyrǵandar bolǵan joq

QARAǴANDY. QazAqparat - 23 naýryzda Qaraǵandy áýejaıyna Varshava – Qaraǵandy reısiniń ushaǵy kelip qondy. Arnaıy reıstiń bortynda 207 adam bolǵan. Olardyń barlyǵy COVID-19 vırýsyna test tapsyrdy. Jolaýshylardyń eshqaısysynda aýrý anyqtalǵan joq, dep habarlaıdy QazAqparat Qaraǵandy oblysy ákiminiń baspasóz qyzmetine silteme jasap.

Bortta shetelde oqyp jatqan qazaqstandyq stýdentter jáne ózge de otandastarymyz boldy.
Elimizdiń Úkimeti turaqty áýe qatynasynyń toqtaýyna qaramastan, qazaqstandyqtarǵa otanyna oralýǵa kómektesý úshin arnaıy reıster jibergen bolatyn.
Ushaq Qaraǵandy áýejaıynyń aýmaǵyna qonǵannan keıin bortqa dárigerler brıgadasy kóterildi. Árbir jolaýshy qatań epıdemıologııalyq reglament boıynsha muqııat medıtsınalyq baqylaý rásiminen ótti. Barlyq sharalar oryndalǵan soń kelýshiler qaladan tys arnaıy gospıtalǵa jetkizildi.

- Barlyq dárigerler Polshadan kelgen adamdardy baqylaý úshin gospıtalge óz erkimen keldi. Bul – bizdiń dárigerlik paryzymyz. Biz barlyǵynyń saý ekenin bilgende qatty qýandyq, - deıdi jalpy tájirıbe dárigeri Haırolla Erǵashev.

Varshava-Qaraǵandy reısiniń jolaýshylary karantınde eki kún boldy. Osy ýaqyt aralyǵynda aǵzada koronavırýs bar bolýyna taldaý jasaldy. Testiler barlyq kelgenderdiń deni saý ekenin kórsetti.
Qazir olardyń barlyǵy týǵan qalalaryna jolǵa shyǵa bastady. Reıstiń jolaýshylary qaraǵandylyq dárigerler men polıtseılerge qıyn ýaqytta qoldaý kórsetkenderi úshin úlken alǵys bildiredi.

«Bul qadam – Otanymyz bizdi árqashan qıyn ýaqytta da kútip, qorǵaıtynyn taǵy da túsinýge múmkindik berdi», dedi kelgenderdiń biri.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT