+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Valıýta aıyrbastaý pýnktteri 1 aqpannan bastap jańa tártippen jumys isteıdi

2020 jylǵy 14 qańtar 16:32
Bólisińiz:
Valıýta aıyrbastaý pýnktteri 1 aqpannan bastap jańa tártippen jumys isteıdi

ALMATY. QazAqparat – QR Ulttyq banki «QR qolma-qol shetel valıýtasymen aıyrbastaý operatsııalaryn uıymdastyrý erejelerine ózgerister engizý týraly» qaýlyǵa túsinikteme berdi, dep habarlaıdy QazAqparat tilshisi.

Uqsas jańalyqtar
Almatyny damytýǵa baǵyttalǵan uzaq jáne orta merzimdi qujat ázirlendi 2025 jylǵa qaraı poshta jóneltimderin retteıtin ortalyqtar sany jıyrmaǵa jýyqtaıdy Túrkistan oblysynda eldi mekenderdi aýyz sýmen qamtýǵa 13,7 mlrd teńge qarastyrylǵan

Jańa erejege sáıkes, qazir aıyrbastaý pýnktiniń eń tómengi jarǵylyq kapıtaly Nur-Sultan qalasynda, respýblıkalyq mańyzy bar qalalar men oblys ortalyqtarynda ornalasqan aıyrbastaý pýnkteri úshin 100 mıllıon teńgeni quraıtyn bolady.

Sonymen birge, qolma-qol aqshamen aıyrbastaý operatsııalaryn júrgizý úshin aıyrbastaý pýnkti óz shottarynda nemese aıyrbastaý pýnktiniń kassasynda teńge nemese sheteldik valıýtamen eseptegende 100% -dan kem emes mólsherde tazartylǵan altyn quımasynyń (bar bolsa) bolýyn qamtamasyz etýi kerek.

«Birinshiden, barlyq banktik emes aıyrbastaý pýnktteri úshin, ornalasqan jerine qaramastan, 100 mln teńge mólsherinde jarǵylyq kapıtaldy qurý josparlandy. Qazir aýyldar men shaǵyn qalalarda ornalasqan nysandar úshin jarǵylyq kapıtaldyń mólsheri 50 mıllıon teńgege deıin azaıtyldy. Ekinshiden, bul normany engizý ýaqyty aýystyryldy. Bastapqyda olar talapty 2020 jyldyń 1 qańtarynan bastap engizýdi josparlady. Túzetilgen nusqaǵa sáıkes respýblıkalyq mańyzy bar qalalarda ornalasqan uıymdar úshin norma 2020 jyldyń 1 sáýirinen bastap kúshine enedi. Oblystardyń jáne oblystyq mańyzy bar qalalardyń ákimshilik ortalyqtarynda - 2020 jyldyń 1 shildesinen bastap kúshine enetin bolady», - dep túsindirdi Ulttyq bank qolma-qol aqsha aınalymy departamentiniń dırektory Jomart Qajymuratov.

Sonymen qatar, jańa erejege sáıkes, aıyrbastaý pýnktteri 1 aqpannan bastap 9:00-den 20:00-ge deıin jumys isteıdi.

Ulttyq bank qolma-qol aqsha aınalymy departamentiniń dırektory Jomart Qajymuratovtyń aıtýynsha, jumys kestesi aıyrbastaý pýnktteri men olardyń klıentteriniń qaýipsizdigin jaqsartýǵa baılanysty ózgerip otyr.

Onyń paıymdaýynsha, bul shara keshki jáne túngi ýaqytta qolma-qol sheteldik valıýtany satyp alýda valıýta kýrsynyń ósý faktilerin boldyrmaýǵa, halyq arasynda negizsiz dúrligý bolmaýyna kómektesedi.

Áýejaı, temirjol arqyly Qazaqstanǵa keletin/ketetin jáne memlekettik shekara arqyly ótkizý pýnktindegi adamdar úshin aıyrbastaý pýnktteri táýlik boıy jumys isteıdi. Al, birinshi sanattaǵy iri saýda ortalyqtarynda saǵat 9:00-den 22:00-ge deıin jumys isteıdi.

Sondaı-aq, endi aqsha aıyrbastaý pýnkteri ár operatsııany jýrnalǵa tirkep otyrady. ıAǵnı aqpannan bastap aqsha aıyrbastaǵan adamnyń aty-jóni men jeke kýáliginiń nómiri jazylady.

«Ár aıyrbastaý operatsııasynan keıin qyzmetkerler jýrnalǵa adamnyń jeke kýáligindegi málimetterdi (tegi, aty, ákesiniń aty), berilgen kúnin, qujattyń nómirin, jaramdylyq merzimin jazyp alady. Sonymen qatar, jańa talap boıynsha aıyrbastaıtyn aqshanyń kólemi 500 myń teńgeden aspaýy kerek»,-deıdi Jomart Qajymuratov.

Onyń aıtýynsha, bul álemniń kóptegen elinde qoldanylatyn halyqaralyq tájirbıe.


Bizdiń kanalymyzǵa jazylyńyz:

Basty sózder: QR Ulttyq banki, Almaty, Ekonomıka,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT