+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Vaktsınanyń antıdeneleri 1 jylǵa saqtalady - epıdemıolog

2021 jylǵy 15 naýryz 14:19
Bólisińiz:
Vaktsınanyń antıdeneleri 1 jylǵa saqtalady - epıdemıolog

ALMATY. QazAqparat – Koronavırýspen aýyrǵan naýqastarda antıdeneler - 3 aı, vaktsınalanǵan adamdarda 1 jyl saqtalady. Bul týraly Medıtsına ǵylymdarynyń doktory, S.D.Asfendııarov atyndaǵy QazUMÝ juqpaly jáne tropıkalyq aýrýlar kafedrasynyń professory Ravılıa Egemberdıeva aıtty, dep habarlaıdy QazAqparat tilshisi.

Almaty qalasy epıdemıologııalyq jaǵdaı boıynsha «qyzyl» aımaqta tur. Sońǵy táýlikte megapolıste koronavırýs ınfektsııasyn juqtyrýdyń jańadan 342 jaǵdaıy tirkeldi. Pandemııamen kúres aıasynda qalada halyqty vaktsınalaý jumystary belsendi júrgizilýde. Birinshi kezeńde dárigerler men medıtsına qyzmetkerlerinen 1750 adam vaktsınalandy. Ekinshi kezeńde ekpeni 3300 medıtsına qyzmetkeri, 955 polıtsııa qyzmetkeri men 523 muǵalim aldy.

Professor Ravılıa Egemberdıeva naýqastan alynǵan antıdeneler men vaktsınadan alynǵan antıdenelerdiń aıyrmashylyǵy nede ekenin aıtty.

«Koronavırýs ınfektsııasynan keıin ımmýnıtet qalyptasady, biraq ol uzaqqa sozylmaıdy. Qaıtadan aýyrǵan jaǵdaılar bar. Koronavırýs ınfektsııasyn juqtyrǵandar 3 aıdan keıin qaıta aýrýy múmkin. Sondyqtan ınfektsııadan keıin ımmýnıtettiń qanshalyqty uzaq ekenin aıta almaımyn jáne ǵalymdardyń da buǵan áli naqty jaýaby joq. Biraq eń az kezeń – 3 aı. Qazaqstan aýmaǵynda qoldanylatyn «Spýtnık V» vaktsınasy aǵzany 1 jylǵa deıin ımmýnıtetpen qamtamasyz etedi. Qazir Reseıde jasalǵan basqa vaktsınalar belgili jáne ǵalymdardyń aıtýynsha, bul vaktsınalar 3 jylǵa deıin ımmýnıtetti qamtamasyz etedi. Biraq meniń oıymsha, ımmýnıtettiń qanshalyqty uzaq saqtalatyny tek vaktsınalaý júrgizgennen keıin naqty belgili bolady», - dedi Ravılıa Egemberdıeva.

Professordyń sózinshe, halyqtyń 70% v aktsınalaý ǵana tıimdi bolady. Ol koronavırýs ınfektsııasynyń tirkelýin toqtatýǵa yqpal etedi. Álem vaktsınalaýdyń mundaı deńgeıine áli jetken joq.

«Qazaqstan Respýblıkasyna vaktsınatsııalaý tek 1 aqpannan bastaldy. Oǵan halyqtyń basym bóligi qatysqan joq. Sondyqtan betperde rejımi, 1,5 metrlik qashyqtyq sııaqty epıdemııaǵa qarsy sharalardy qatań saqtaý qajet. Aıta keterligi, 2 vaktsına ekpesin alǵan adamdardyń epıdemııaǵa qarsy sharalardy taǵy 14 kún saqtaýy tıis ekendigin atap ótkim keledi»,-dedi Ravılıa Egemberdıeva.

«Men ınfektsıonıst retinde koronavırýs ınfektsııasymen aýyratyn naýqastar áli de kóp ekenin, onyń ishinde aýyr halde jatqandar bar ekenin, derttiń asqynýy ólimmen aıaqtalǵan jaǵdaılar da bar ekenin málimdeımin. Azamattardan ótinip surarym, betperde taǵyńyzdar, qoldaryńyzdy muqııat jýyńyzyzdar, qashyqtyqty saqtańyzdar, aýrýdyń alǵashqy belgileri paıda bolǵan kezde dereý jergilikti dárigerge habarlasyńyzdar», - dedi Ravılıa Egemberdıeva.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT