+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

«Vaktsınalardaǵy alıýmınıı Altsgeımer aýrýyn týdyrady» - feık

2021 jylǵy 3 tamyz 17:15
Bólisińiz:
«Vaktsınalardaǵy alıýmınıı Altsgeımer aýrýyn týdyrady» - feık

NUR-SULTAN. QazAqparat - Áleýmettik jeliler men messendjerlerde keıbir vaktsınalar quramyndaǵy alıýmınıı oksıdteri men tuzdarynyń zııany týraly beınerolık taratylýda. Mundaı adıývant Altsgeımer, aýtızm jáne basqa da aýrýlar týdyrmaq-mys. Shyndyǵynda, buǵan eshqandaı dálel joq. QazAqparat bul týraly stopfake.kz saıtyna silteme jasap habarlaıdy.

Vıdeoda vaktsınalardaǵy alıýmınıı adamdar úshin qaýipti jáne birqatar aýrýlardy týdyratyny týraly maqalalardyń avtory doktor Krıstofer Shoýdyń sóılegen sózinen úzindiler keltirilgen.
«Shoýdyń osy máselege arnalǵan alǵashqy maqalasy 2011 jyly jaryq kórdi, sodan keıin basqa dárigerler men mamandar tarapynan úlken synǵa ushyrady.
2017 jyly K.Shoý óz zertteýiniń durys emes ekenin jáne berilgen málimetter ózgertilip, manıpýlıatsııaǵa beıim ekendigin moıyndady.
Bul oqıǵa jalpy Shoýdyń mansabyna kóleńke túsirdi, adamdardyń kóbi ǵalymnyń málimdemesine mán berý kerek pe dep oılanyp qaldy», - delingen stopfake.kz saıtynda.

Málim etilgendeı, shyn máninde, amorfty alıýmınıı gıdroksıfosfat sýlfaty, alıýmınıı gıdroksıdi, alıýmınıı fosfaty jáne kalıı alıýmınıı sýlfaty 1930 jyldardan bastap vaktsınalarda adıývant retinde qoldanylyp keledi. Mundaı preparattardyń qaýipsizdigi men tıimdiligi dáleldengen. Al vaktsına alǵannan keıin Altsgeımer aýrýy nemese aýtızmniń paıda bolýy týraly jaǵdaılar tirkelgen joq.
«Alıýmınıı Altsgeımer qaýpin arttyrady degen ıdeıa burynnan bar, doktor Shoýdyń zertteýi jarııalanǵanǵa deıin de bolǵan. Metaldar men aýrýlardyń baılanysy týraly boljamdar alǵash ret 1965 jyly aıtyldy. Ol kezde alıýmınıı ydysta daıyndalǵan tamaq pen sýdaǵy metall mıǵa túsip, ony buzady dep sanaldy. Alaıda, odan ári zertteý barysynda bul teorııa rastalmady. Ǵalymdar saý adamdardyń mıynan alıýmınıı bólshekterin tapty, bul metall Altsgeımer aýrýyn týdyrýy múmkin degen boljamdy joqqa shyǵardy», - dep jazady saıt.
Keıinnen alıýmınııdiń mıǵa áseri týraly teorııany antıvakserler belsendi túrde tarata bastaǵan. Alaıda, bala kezinde polıomıelıtke, sirespege, tumaýǵa jáne dıfterııaǵa qarsy vaktsına alǵan adamdardyń Altsgeımer aýrýyna shaldyǵý qaýpi tómen dep boljaýǵa múmkindik beretin zertteýler de bar eken.
«Shyn máninde, vaktsınalardaǵy tuzdar nemese alıýmınıı oksıdteri densaýlyqqa aıtarlyqtaı áser ete almaıdy, óıtkeni olardyń mólsheri óte az.
Quramynda alıýmınıı bar adıývanttar sýda erimeıdi, qan tamyrlaryna enbeıdi jáne búkil denege taralmaıdy.
Osylaısha, alıýmınıı negizindegi adıývanttar denege zııan keltirip, aýtızm men Altsgeımer aýrýyn týdyrýy múmkin dep aıtýǵa tolyq negiz joq. Bul teorııany rastaıtyn ǵylymı dálelder de joq. Qaznet paıdalanýshylary súıengen doktor Shoýdyń zertteýi dáıeksiz dep tanyldy jáne avtordyń óziniń ótinishi boıynsha keri qaıtarylyp alyndy, tıisinshe, aqparattyń senimdi derekkkózi bola almaıdy», - dep qorytyndy jasady stopfake.kz.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT