Vaktsınatsııalanǵan analardan ımmýnıteti joq balalar týady - jalǵan aqparat
2022 jylǵy 7 shilde 14:14

Vaktsınatsııalanǵan analardan ımmýnıteti joq balalar týady - jalǵan aqparat

NUR-SULTAN. QazAqparat - Áleýmettik jelilerde náresteler arasynda tynys alý aýrýynyń órshýi týraly jańalyqtar sıýjeti tarady. Habarlamada buǵan analarǵa júktilik nemese laktatsııa kezinde salynǵan COVID-19 qarsy vaktsına sebep bolǵan dep jazylǵan. Bul olaı emes, dep habarlady QazAqparat stopfake.kz saıtyna silteme jasap.

Maýsymnyń basynda jáne ortasynda AQSh-ta náresteler arasynda tynys alý aýrýynyń órshigeni ras. Bul týraly The Washington Post jazdy.

«Alaıda, maqalada kishkentaı balalar arasynda aýrýdyń kúrt ósýine olardyń ata-analarynyń vaktsına saldyrýy emes, karantındik shekteýlerge baılanysty balalardyń adamdarmen jaqyn qarym-qatynas jasamaǵany sebep bolǵany aıtylǵan. Áleýmettik qashyqtyqty saqtaý men maska taǵý rejımine baılanysty náresteler buǵan deeıin vırýstyq ınfektsııalardy juqtyrmaǵan, olarǵa qarsy ımmýnıtetti damymaǵan. Qazirgi kezde kóptegen elderde karantındik shekteýler joıyldy nemese aıtarlyqtaı jeńildetildi, nátıjesinde balalar birden barlyq múmkin respıratorlyq aýrýlardy juqtyra bastady, bul statıstıkanyń ósýine alyp keldi», - dep jazdy saıt.

Júkti áıel alǵan vaktsına balanyń ımmýnıtetin túsiredi degen teorııa tolyǵymen ǵylymǵa qarsy. Bolashaq analarǵa COVID-19-ǵa qarsy vaktsına saldyrýǵa ruqsat bermes buryn ǵalymdar aýqymdy zertteýler júrgizdi. Onyń nátıjeleri vaktsınalar júkti áıelder arasynda COVID-19-ben kúresýde tıimdi bolyp qana qoımaı, jańa týǵan nárestelerde bul aýrýǵa ýaqytsha ımmýnıtetti qamtamasyz etetindigin kórsetti.

«Ǵalymdar ananyń ımmýndyq júıesi qalyptastyratyn COVID-19 qozdyrǵyshy Sars-CoV-2 vırýsyna antıdeneler platsentaǵa jetip, balaǵa beriletinin anyqtady. Sábıdiń aǵzasynda olar uzaq saqtalmaıdy, biraq ómirdiń alǵashqy kezeńinde ony qorǵaı alady.

Demek, vaktsınatsııalanǵan analardan týatyn ımmýnıteti joq balalar týraly taralǵan teorııa negizsiz jáne ǵylymǵa qarsy. Taratylǵan jańalyqtar sıýjetiniń júkti áıelderdi vaktsınatsııalaýǵa eshqandaı qatysy joq. Onda shekteýlerge baılanysty balalar basqa adamdarmen qarym-qatynasta bolmaǵandyqtan, olardyń respıratorlyq aýrýlarǵa qarsy ımmýnıteti damymaǵany týraly aıtylǵan», - delingen aqparat kózinde.


Uqsas jańalyqtar

Jańalyqtar

Úrdis

MURAǴAT