+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Vaktsına koronavırýstan 100% qorǵaı ma – professor jaýaby

2020 jylǵy 4 jeltoqsan 20:46
Bólisińiz:
Vaktsına koronavırýstan 100% qorǵaı ma – professor jaýaby

ALMATY. QazAqparat – «Qaraǵandy medıtsınalyq ýnıversıeti» AQ klınıkalyq farmakologııa kafedrasynyń meńgerýshisi Sholpan Qalıeva QazAqparat tilshisine vaktsınanyń tıimdiligi týraly aıtty.

Uqsas jańalyqtar
Pavlodarda koronavırýstyń órshýine karantındi elemeıtin turǵyndar sebep bolyp otyr Koronavırýspen aýyrǵan naýqasty emdeýge qansha qarajat ketedi Batys Qazaqstanda 60-qa jýyq baladan koronavırýs anyqtaldy

Onyń sózinshe, qazir álemde birneshe túrli vaktsına ázirlenip jatyr.

«Vaktsına koronavırýstan 100 paıyzǵa qorǵaı ala ma? Bul suraqqa vaktsınanyń maqsatyna baılanysty jaýap bere alamyz. Vaktsına – óli vırýs nemese vırýstyń bir bólshegi. Mysaly, qazir jasalyp jatqan vaktsınalardyń biri vırýstyń bir bóligi - spike-aqýyz bolýy múmkin. Vırýs osy aqýyz arqyly tiri aǵzanyń kletkasyna jabysady. Bul vaktsına adam aǵzasyna ótken soń aǵza ımmýndyq jaýap qata bastaıdy. Keıde vaktsınada vırýstyń basqa bólikteri de bolýy múmkin», - dedi ol.

Sholpan Qalıeva vaktsına shyǵarý protsesi uzaqqa sozylatynyn aıtty.

«Vaktsına mindetti túrde 3 synaq kezeńinen ótýi kerek. Aldymen klınıkalyq kezeńge deıin janýarlardyń aǵzasynda, ekinshi úshinshi kezeńinde adamdardyń aǵzasynda synalady. Tek sodan keıin ǵana popýlıatsııaǵa engiziledi. Aldymen onyń qanshalyqty ýyttylyǵy tekseriledi. Odan keıin adamdarǵa qaýpisiz ári tıimdi dozasy anyqtalady», - dedi Sh.Qalıeva.

Professordyń aıtýynsha, ár el usynatyn vaktsınanyń quramy ártúrli bolady.

«Vırýstar mýtatsııaǵa ushyraıtynyn bilemiz. Bul qasıet koronavırýsqa da tán. Mýtatsııa degen vırýsta qosymsha qorǵanys tetigi paıda boldy degen sóz. Ony bizdiń aǵzamyz baıqamaı qalýy múmkin. Vırýs mýtatsııaǵa ushyrasa, vaktsına tıimsiz bolyp qalýy múmkin. Vaktsına 100%-ǵa emes, 30%-ǵa tıimdi bolýy múmkin», - dedi Sh. Qalıeva.

Onyń aıtýynsha, vırýstyń mýtatsııalanǵan jaǵdaıda da ózgermeıtin bóligin vaktsınaǵa paıdalanǵan durys.

«Vırýs qansha ózgerse de quramynda qalatyn element vaktsına quramynda bolýy tıis. Obrazdy túrde aıtqanda vırýstyń shekpeni qyzyl bolsa, keıin qara shekpen kııýi múmkin. Al eger biz qyzyl shekpenniń bólshegin aǵzaǵa endiretin bolsaq, platsebo effektisi bolady. Vaktsına belsendi bolady, biraq 100 paıyzǵa emes», - dedi Sholpan Qalıeva.

Eske salsaq, buǵan deıin professor koronavırýstyń juǵýynan qorǵaıtyn úsh faktordy ataǵan bolatyn.
Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT