+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Vaktsına alǵan JOO stýdentterine jeńildikter beriledi

2021 jylǵy 30 maýsym 06:12
Bólisińiz:
Vaktsına alǵan JOO stýdentterine jeńildikter beriledi

NUR-SULTAN. QazAqparat - Qazaqstandyq joǵary oqý oryndary Bilim jáne ǵylym mınıstri A.Aımaǵambetovtiń tapsyrmasy boıynsha joo stýdentteri arasynda vaktsınatsııany qoldaý aktsııasyn bastaıdy, dep habarlaıdy QazAqparat vedomstvonyń baspasóz qyzmetine silteme jasap.

Uqsas jańalyqtar
Qazaqstanda 9 balldyq jer silkinisine shydamdy jataqhanalar úlgisi ázirlendi

Baspasóz qyzmetiniń málimetinshe, COVID–19 indetine qarsy ekpe alǵan stýdentter joǵary oqý oryndarynyń múmkindikterine baılanysty oqýǵa, jataqhanalarda turýǵa jeńildikter alyp, túrli syılyqtarǵa ıe bolady. Tek stýdentter ǵana emes, sonymen qatar joǵary oqý oryndarynyń ekpe saldyrǵan oqytýshylary da materıaldyq materıaldyq yntalandyrýǵa ıe bolady.

«Ál-Farabı atyndaǵy QazUÝ, L.N. Gýmılev atyndaǵy EUÝ, Abaı atyndaǵy QazUPÝ, Q.I. Sátbaev atyndaǵy QazUTZÝ, M. Áýezov atyndaǵy OQÝ, M. Ótemisov atyndaǵy BQÝ, H. Dosmuhamedov atyndaǵy Atyraý ýnıversıteti vaktsınatsııalaýdy qoldaý boıynsha aktsııalardy bastap ketti. Birqatar joǵary oqý ornynyń stýdentteri úshin oqýǵa, jataqhanalarda turýǵa jeńildikter, saýyqtyrý shıpajaılaryna tegin joldamalar, tegin tamaqtaný jáne qoǵamdyq kólikti paıdalaný talondary qarastyrylǵan.

Sondaı-aq joǵary oqý oryndary vaktsınatsııalanǵan stýdentter úshin shet tilderi, kompıýterlik saýattylyq jáne kásipkerlik daǵdylardy damytatyn tegin kýrstar uıymdastyrýdy josparlap otyr. Sonymen qatar ekpe saldyrǵan keıbir ýnıversıtetterdiń stýdentteri fıtnes zaldaryna, basseınge, teatrǵa, kınoteatrǵa jáne kontsertterge tegin bara alady», delingen habarlamada.

Atalǵan joǵary oqý oryndarynyń oqytýshylary da nazardan tys qalmady. Vaktsınatsııalanǵan oqytýshylar qosymsha aqy nemese aqyly demalys alady.

«Mınıstrdiń tapsyrmasy boıynsha joǵary oqý oryndary stýdentter men oqytýshylardy vaktsınatsııalaýǵa shaqyryp, yntalandyrý boıynsha sharalar qabyldap jatyr. Bul aktsııa bizdiń azamattardyń sanasyn oıatýǵa kómektesedi dep senemiz. Biz birlese otyryp, qaýipti vırýsty jeńe alamyz jáne karantın múmkindiginshe tez aıaqtalady dep úmittenemiz. Basqa joǵary oqý oryndaryn da vaktsınatsııany qoldaý úshin yntalandyrý sharalaryn uıymdastyrýǵa shaqyramyz. Sebebi bul koronavırýstyń taralýyn toqtatýdyń jalǵyz joly», – dep atap ótti Bilim jáne ǵylym vıtse-mınıstri Qýanysh Erǵalıev.

Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT