+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Vaktsına alǵan astanalyqtar iPhone12 jáne turmystyq tehnıka utyp aldy

2021 jylǵy 2 tamyz 20:48
Bólisińiz:
Vaktsına alǵan astanalyqtar iPhone12 jáne turmystyq tehnıka utyp aldy

NUR-SULTAN. QazAqparat - Nur-Sultanda koronavırýsqa qarsy vaktsınalanǵandar arasynda apta saıyn baǵaly syılyqtar oınatylady, dep habarlaıdy QazAqparat.

Uqsas jańalyqtar
Qyrkúıektiń basynan beri Pavlodar oblysynda KVI-diń taraý kórsetkishi 1,5 ese tómendedi Bıyl ShQO-nyń monıtorıngtik toptary 20 myńnan astam reıd júrgizdi Shyǵys Qazaqstan oblysynda koronavırýs juqtyrý kórsetkishi qandaı

31 shildede Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde iPhone12 telefonynyń taǵy 2 danasy jáne basqa da baǵaly syılyqtardyń tórtinshi legi oınatyldy.

Utysqa 24 shilde men 30 shilde aralyǵynda vaktsınatsııa pýnkterinde (medıtsınalyq mekemeler, saýda, oıyn-saýyq ortalyqtary, saýda úıleri) egilgen

barlyq azamat qatysty. Vaktsınalanǵandar utys oıynyna avtomatty túrde qatysady. Arnaıy qujat toltyryp, tirkelýdiń qajeti joq.

Jeńimpazdar: iPhone 12 telefondary: № 12016 – Kúlshara Ibraeva jáne № 6159 – Bekzat Óteýov;
«Sulpak» dúkeniniń tońazytqyshy: № 8998 – Valentına ıAsnevskaıa;
«Sulpak» dúkeniniń teledıdary: № 89 – Zýlhııa Shakýbaeva;
«Sulpak» dúkeniniń mıkrotolqyndy peshi: №12902 – Nuralın Rústem.

«Qala ákimdigi demeýshiler esebinen baǵaly syılyqtardyń utys oıyndaryn apta saıyn ótkizedi. Endi 28 shildeden 6 tamyzǵa deıin (qosa alǵanda) vaktsınalanǵandardyń arasynda taǵy 3 iPhone12 oınatylady. Atalǵan utys oıynyna «Abý Dabı Plaza», «Kerýen», «Saryarqa» saýda, oıyn-saýyq ortalyqtarynda jáne olarǵa bekitilgen BMSK uıymdarynda – №2, 9 jáne 14 qalalyq emhanalarda vaktsınalanǵan azamattar qatysady. Bul utys oıynynyń tikeleı efıri 7 tamyzda ótedi», - dedi qala ákimdiginen.

Utys oıyndary apta saıyn — jazdyń sońyna deıin ótedi.



Aıta keteıik, Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan. Ol júlde ıelerin vaktsınalanǵandardyń ID nómiri arqyly tańdaıdy. Vaktsınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.

Buǵan deıin habarlanǵandaı, osy jyldyń 25 maýsymy men 31 tamyzy aralyǵynda vaktsınanyń birinshi komponentin alǵan 18 jastan asqan qala turǵyndary elordada jyljymaıtyn múlikti utyp ala alady. Bul utys oıynyna vaktsınatsııanyń barlyq pýnkti qatysady: medıtsınalyq mekemeler, SOO-lar jáne saýda úıleri. Utys oıyndary demeýshilerdiń kómegimen ótkiziledi.

Sondaı-aq «MEGA Silk Way» SOO vaktsınatsııa pýnktinde birinshi komponentpen vaktsınalanǵandar arasynda avtokólik oınatylatyny málim etilýde.

«Elordada ótkiziletin utys oıyndary azamattardy ekpe alýǵa yntalandyrý, osylaısha óz densaýlyǵyn da, jaqyn jáne aınalasyndaǵy adamdardyń densaýlyǵyn saqtaý úshin uıymdastyrylady. Sebebi, basty maqsat — ujymdyq ımmýnıtetti damytý jáne karantınge deıingi rejımge oralý. Ujymdyq ımmýnıtettiń úlesi 60% asýy kerek», - dep tolyqtyrdy qala ákimdiginen.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT