Vaagn Hachatýrıan Armenııa prezıdenti bolyp saılandy
2022 jylǵy 3 naýryz 15:35

Vaagn Hachatýrıan Armenııa prezıdenti bolyp saılandy

EREVAN. Armenpress - QazAqparat – Vaagn Hachatýrıan Armenııa Respýblıkasynyń prezıdenti bolyp saılandy, dep habarlaıdy QazAqparat «Armenpress» aqparat agenttigine silteme jasap.

Agenttik málimetinshe, daýys berý nátıjelerin esep komıssııasynyń tóraǵasy Narek Babaıan jarııalaǵan. Prezıdent saılaýynyń ekinshi kezeńine 71 depýtat qatysyp, olardyń barlyǵy jańa prezıdenttiń kandıdatýrasyn qoldady.

Depýtattar Vaagn Hachatýrıandy dý qol shapalaq soǵyp, quttyqtady. Ol bildirilgen senim úshin alǵys aıtyp, sóz sóıledi.

Aıta keteıik, Vaagn Hachatýrıan kandıdatýrasyn «Grajdanskıı dogovor» fraktsııasy usyndy. «Aıastan» jáne «Chest ımeıý» oppozıtsııalyq fraktsııalary úmitkerdiń kandıdatýrasyn talqylaýǵa jáne daýys berýge qatyspady.

Birinshi kezeńde Hachatýrıan 69 depýtattyń ǵana daýysyn jınap, birden saılana almady. Al ekinshi kezeńde jeńiske jetý úshin 64 daýys jetkilikti boldy.


Uqsas jańalyqtar

Jańalyqtar

Úrdis

MURAǴAT