+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Úzdik memlekettik qyzmetshiler anyqtaldy

2020 jylǵy 23 maýsym 12:30
Bólisińiz:
Úzdik memlekettik qyzmetshiler anyqtaldy

NUR-SULTAN. QazAqparat - QR Memlekettik qyzmet isteri agenttiginiń tóraǵasy Anar Jaılǵanova Feısbýktegi paraqshasynda memlekettik qyzmetshilerdi kásibı merekesimen quttyqtady. Sondaı-aq, ol elimizdegi eń úzdik memlekettik qyzmetshilerdi atady. «QazAqparat» HAA quttyqtaý mátinin oqyrman nazaryna usynady.

***

Qurmetti memlekettik qyzmetshiler!

2013 jyly Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev 23 maýsym – Memlekettik qyzmetshi kúnin bekitken bolatyn.

Osy ýaqyttan bastap, jyl saıyn biz kásibı merekemizdi atap ótemiz, bul izgi dástúrge aınaldy. Memlekettik qyzmetshiler kúni qarsańynda Agenttik erekshe kózge túsken memlekettik qyzmetkerlerdi marapattaıdy.

Memlekettik qyzmetti damytýǵa qosqan eleýli úlesi, asa mańyzdy jáne kúrdeli tapsyrmalardy tabysty oryndaǵany úshin aǵymdaǵy jyly 72 memlekettik qyzmetshi Agenttiktiń «Úzdik memlekettik qyzmetshi» vedomstvolyq nagradasymen marapattaldy.

Sondaı-aq memlekettik apparat qyzmetkerleriniń áleýeti men básekege qabilettiligin damytý úshin úshinshi jyl qatarynan «Jyldyń úzdik memlekettik qyzmetshisi» konkýrsy ótkizilip keledi.

Osy jyly baıqaýǵa Qazaqstannyń ár óńirinen 761 memlekettik qyzmetshi qatysty. Onyń qorytyndysy boıynsha kelesi jeńimpazdar anyqtaldy:

Ernur Abjahan, Almaty q. qalalyq utqyrlyq basqarmasy basshysynyń orynbasary;

Almagúl Azamatova, ShQO Jarma aýdanynyń jumyspen qamtý jáne áleýmettik baǵdarlamalar bóliminiń bas mamany;

Baýyrjan Ahmetalın, Nur-sultan q. ІІM TJK Tótenshe jaǵdaılar departamentiniń ofıtseri;

Berik Dosymbekov, Qaraǵandy q. Dene shynyqtyrý jáne sport bóliminiń bas mamany;

Almas Erkıbaev, Aqmola oblysy boıynsha Sottar ákimshisiniń Atbasar aýdandyq soty keńsesiniń bas maman-sot otyrysynyń hatshysy;

Dıdar Ibraev, Pavlodar oblysy Aqtoǵaı aýdany ákimi apparatynyń basshysy;

Arman Qabylov, Aqtóbe oblysy Qobda aýdandyq Іshki saıasat bóliminiń basshysy;

Ajar Qalıeva, Almaty oblysy Qapshaǵaı qalasy Bilim bóliminiń bas mamany;

Aqjibek Qapalbaeva, Shymkent qalasy boıynsha Sybaılas jemqorlyqqa qarsy is-qımyl agenttiginiń departamentiniń Preventsııa basqarmasynyń bas mamany;

Aqtóre Talǵatuly, Túrkistan oblysy boıynsha Sybaılas jemqorlyqqa qarsy is-qımyl agenttiginiń departamentiniń Preventsııa basqarmasynyń aǵa ofıtseri.

Búginde memlekettik qyzmette 89 myń adam jumys isteıdi, onyń 42 myńnan astamy óńirlerde eńbek etýde. Barlyq memlekettik qyzmetkerlerdiń jartysynan astamy (55,7%) – áıelder.

Jyldan jylǵa jastardyń memlekettik qyzmetke degen qyzyǵýshylyǵy artyp keledi. Búginde elimizde 20 myńnan astam jas memlekettik qyzmetkerler bar, onyń ishinde 1500-den astamy túrli basshylyq laýazymdarda jumys isteıdi.

Memleket basshysy Qasym-Jomart Kemeluly Toqaev jastardy memlekettik qyzmetke tartý máselelerine erekshe kóńil bólýde.

Ótken jyly Agenttik Memleket basshysynyń tapsyrmasy boıynsha iske asyrǵan aýqymdy jobalardyń biri Prezıdenttik jastar kadr rezervin qalyptastyrý boldy.

Qazaqstanda alǵash ret ótkizilgen irikteý formaty elimizdiń barlyq óńirlerinen jáne odan tys jerlerdegi jas azamattardyń edáýir bóligin tartty. Jas, bilikti jáne jigerli basqarýshylar pýly quryldy.

Búgingi kúni 142 rezervshi memlekettik qyzmet jáne kvazımemlekettik sektorda jaýapty qyzmetterde jumys isteıdi.

Qyzmetshilerdi daıarlaý, qaıta daıarlaý jáne biliktiligin arttyrý júıesi qyzmetshilerdi kásibılendirýdiń ajyramas bóligi bolyp tabylady.

Jyl saıyn 24 myńǵa jýyq memlekettik qyzmetshi biliktiligin arttyrý men qaıta daıarlaýdan ótedi.

Memlekettik qyzmetshilerdiń sapalyq quramy arttyryldy, merıtokratııa jáne kadrlyq turaqtylyq qaǵıdatyn saqtaý kórsetkishteri jaqsardy. Ótken jyldyń qorytyndysy boıynsha sheteldik bilimi bar memlekettik qyzmetshilerdiń úlesi 15% - ǵa ósti (2 790 adamdy quraıdy).

Memlekettik qyzmettiń tartymdylyǵyn arttyrý kadrlardyń ketý deńgeıin shtat sanynan 6% -ǵa deıin tómendetýge múmkindik berdi.

Ótken jyly ishki konkýrstardyń nátıjeleri boıynsha 7 myńnan astam memlekettik qyzmetshi mansaptyq turǵyda ilgeriledi, bul ishki konkýrstardyń qorytyndylary boıynsha taǵaıyndalǵandardyń jalpy sanynan
55% - dy quraıdy.

Memlekettik qyzmetshiniń jumysy adamnan bilimdilikti, jan-jaqtylyqty, jaýapkershilik pen tózimdilikti qajet etedi. Halyqqa qyzmet etý – qurmetti mamandyq.

Sizderdiń árqaısylaryńyz eldi damytýǵa baǵyttalǵan memlekettik baǵdarlamalardy jáne aýqymdy reformalady júzege asyrýǵa eleýli úles qosýdasyzdar.

Qazirgi ýaqytta, Covid-19 pandemııasynyń jaǵdaıynda, memlekettik qyzmetshilerge halyq ómiriniń barlyq salalarynyń úzdiksiz jumys isteýin qamtamasyz etý úshin úlken jaýapkershilik júkteldi. Osy qıyn kezeńde sizderdiń kúndelikti júıeli jáne úılesimdi qyzmetterińizdiń arqasynda memlekettik apparattyń tolyqqandy jumys isteýi qamtamasyz etilýde.

Sizderdiń kúsh-jigerlerińiz aldaǵy ýaqytta da Qazaqstannyń memlekettiligin damytýǵa, demokratııany, eldiń ekonomıkalyq damýyn jáne halyqtyń ál-aýqatynyń ósýin qamtamasyz etýge baǵyttalatynyna senemin.

Sizderge eldiń ıgiligi jolynda atqaryp jatqan qyzmetterińiz úshin alǵys bildiremin!

Sizderge jáne otbasylaryńyzǵa myqty densaýlyq, baqyt jáne barlyq isterińizge sáttilik tileımin!


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT