+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Úzdik memlekettik qyzmetshiler anyqtaldy

2019 jylǵy 11 jeltoqsan 14:19
Bólisińiz:
Úzdik memlekettik qyzmetshiler anyqtaldy

NUR-SULTAN. QazAqparat – Memlekettik qyzmet isteri agenttiginde memlekettik qyzmetshiler arasynda ótkizilgen baıqaýdyń jeńimpazdary marapattaldy, dep habarlaıdy QazAqparat tilshisi agenttiktiń baspasóz qyzmetine silteme jasap.

Uqsas jańalyqtar

«Memleket basshysy Qasym-Jomart Toqaev halyqqa qamqorlyq jasaıtyn, olardyń quqyqtary men zańdy múddelerin qorǵaıtyn, olardyń muqtajdyqtary men qajettilikterin estıtin jáne biletin, týyndaǵan barlyq problemalarǵa jedel den qoıatyn jáne olardy sheshetin «Halyqtyń únine qulaq asatyn memleket» tujyrymdamasyna kóshý qajettiligin atap ótti. Munda halyqpen baılanystyń tıimdi júıesin ornatý, memlekettik qyzmetshiniń joǵary beınesin saqtaý mańyzdy ról atqarady. Memlekettik qyzmetshilerdiń halyqtyń ıgiligi úshin nátıjeli qyzmetinsiz elimizdiń jetistigi men órkendeýine qol jetkizý múmkin emes», - dedi marapattaý barysynda konkýrstyq komıssııa múshesi, agenttik tóraǵasynyń orynbasary Darhan Jazyqbaev

Baıqaý memlekettik qyzmetshiler arasynda moraldyq-ádeptilik qundylyqtardy nasıhattaýǵa jáne olardyń shyǵarmashylyq áleýetin damytýǵa baǵyttalǵan. Oı-dodaǵa tek memlekettik qyzmetshiler ǵana emes, sonymen qatar kvazımemlekettik sektor men bıýdjettik uıymdardyń qyzmetkerleri de qyzyǵýshylyq tanytty. Oǵan 200-ge jýyq adam qatysty.

Qatysýshylardyń jumystary úsh nomınatsııa - úzdik esse/maqala, úzdik beınerolık jáne úzdik usynys boıynsha baǵalandy. Osylaısha, baıqaýǵa qatysqan úzdikter anyqtaldy.

«Úzdik esse» nomınatsııasy boıynsha:

І orynǵa Atyraý oblysy, Qurmanǵazy aýdany, Dyńǵyzyl aýyldyq okrýgi ákimi apparatynyń bas mamany Jańylsyn Ótteshova;

ІІ orynǵa Almaty oblysy, Panfılov aýdany, Úlkenaǵash aýyldyq okrýginiń ákimi Ermek Nurahmetov;

ІІІ orynǵa Nur-Sultan qalasy, «Saryarqa» aýdany ákimi apparatynyń Іshki saıasat jáne áleýmettik sala bóliminiń basshysy Ábdirahman Dáýlenbaev ıe boldy.

«Úzdik beınerolık» nomınatsııasy boıynsha:

І oryndy Aqtóbe oblysy, Oıyl aýdandyq bilim, dene shynyqtyrý jáne sport bóliminiń bas mamany Gúlzat Jetkergenqyzy;

ІІ oryndy Atyraý qalasy ákimi apparatynyń baspasóz hatshysy Álibek Naýarov;

ІІІ oryndy Túrkistan oblysy, Qazyǵurt aýdany, Qyzylqııa aýyldyq okrýgi ákiminiń bas mamany Baǵlan Máýlenov ıelendi.

«Tańdaýly usynys» nomınatsııasy boıynsha:

І orynnan Shyǵys Qazaqstan oblysy, Borodýlıha aýdany, Baqy aýyldyq okrýginiń bas mamany Nurlan Álipbaev;

ІІ orynnan Shymkent qalasy boıynsha Qazynashylyq departamenti basshysynyń orynbasary Qalmuhanbet Baısarıev;

ІІІ orynnan Mańǵystaý oblysy, Munaıly aýdandyq ishki saıasat jáne tilderdi damytý bóliminiń basshysy Sara Noǵaeva kórindi.

Úzdik jobalar Agenttiktiń resmı saıtynda jarııalanyp, mysal retinde memlekettik organdarǵa jiberiledi.

Aıta keteıik, memqyzmetshilerdiń oı-aqyly synǵa túsken baıqaý 2019 jylǵy 20 qazanda bastaý alyp, 15 qarashada aıaqtaldy. Baıqaýǵa qatysý úshin úmitkerler esse, beınerolık nemese jalpy suraqtar boıynsha usynystar túrinde óz kózqarasyn usyndy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT