+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Úıinde arystan asyraǵan Pavlodar turǵynyna aıyppul salyndy

2020 jylǵy 3 maýsym 16:36
Bólisińiz:
Úıinde arystan asyraǵan Pavlodar turǵynyna aıyppul salyndy

PAVLODAR. QazAqparat – Jas jigit Reseıde afrıkalyq arystannyń kúshigin satyp alyp, ony eshqandaı ruqsatsyz Qazaqstanǵa alyp kelgen, dep habarlaıdy QazAqparat tilshisi.

Uqsas jańalyqtar

«Danııal Smaǵulov Ákimshilik kodekstiń 389-baby, birinshi bóligi boıynsha kináli dep tanylyp, oǵan 27 780 teńge kóleminde aıyppul salynsyn jáne 2019 jyldyń besinshi qarashasynda týǵan Sımba atty afrıkalyq arystannyń kúshigi tárkilensin», - dep sheshim shyǵardy Pavlodar qalasy mamandandyrylǵan ákimshilik sotynyń sýdıasy Serik Mardanov.

Sottyń málimetinshe, 9 sáýirde «Brakoner» jedel-profılaktıkalyq is-shara barysynda áleýmettik jelige monıtorıng júrgizý kezinde 23 jastaǵy Danııal Smaǵulovtyń afrıkalyq arystan kúshigi bar ekeni anyqtaldy.

Belgili bolǵandaı, ol 31 naýryzda jabaıy janýardy Reseıden sáıkes ruqsat qujatynsyz Qazaqstanǵa ákelgen. Arystan kúshigi Quryp ketý qaýpi tóngen jabaıy faýna men flora túrlerimen halyqaralyq saýda týraly konventsııaǵa jatatyn bolyp shyqty. Oǵan osylaısha ákimshilik quqyq buzdy degen aıyp taǵyldy. Jigit sotta kinásin moıyndady.

«Ol afrıkalyq arystandy ákelýge ruqsat qujatyn almaǵanyn túsindirdi. Ol janýardy 2020 jyldyń 11 aqpanynda RF «Amýrskıı tıgr» jaýapkershiligi shekteýli qoǵamdastyǵynan satyp alyp, Qazaqstan Respýblıkasynyń aýmaǵyna alyp ótken» dep habarlady sottan.

Sot isine qatysqan Pavlodar oblysy orman sharýashylyǵy jáne janýarlar álemi aýmaqtyq ınspektsııasynyń bas mamany Qabdýlla Sýhanqulov afrıkalyq arystannyń joıylý qaýpi bar janýarlar túrine jatatynyn jáne Quryp ketý qaýpi tóngen jabaıy faýna men flora túrlerimen halyqaralyq saýda týraly konventsııaǵa enetin osyndaı janýarlardy ákelý úshin mindetti túrde ruqsat qujaty bolýy kerektigin atap ótti.

«Janýardyń jeke kartochkasy bolǵan. Oǵan sáıkes, arystannyń kúshigi RF «Amýrskıı tıgr» jaýapkershiligi shekteýli qoǵamdastyǵynda (Prımor ólkesi Shkotovo aýdany Shkotovo kenti) týǵan. Sımba atty afrıkalyq arystannyń halyqaralyq veterınarlyq tólqujaty bar, alaıda afrıkalyq arystandy alyp ótýge ruqsaty bolmaǵan», - dep atap ótti Pavlodar qalalyq mamandandyrylǵan ákimshilik sotynan.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT