+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Uıaly telefon, ishik, altyn buıymdar: Astanalyq ınternet alaıaqtar adamdardy qalaı aldaıdy

2021 jylǵy 28 qyrkúıek 13:32
Bólisińiz:
Uıaly telefon, ishik, altyn buıymdar: Astanalyq ınternet alaıaqtar adamdardy qalaı aldaıdy

NUR-SULTAN. QazAqparat – Búginde elordada ınternet alaıaqtyq qylmysy qyzyp tur. Atalǵan qylmys túrimen kúresý úshin qalalyq Polıtsııa departamenti janynan mamandandyrylǵan jedel tergeý toby quryldy. Osy oraıda ınternet alaıaqtar elorda jurtyn qandaı ádistermen aldaıtyny týraly Nur-Sultan qalasy Polıtsııa departamentiniń kıberqylmyspen kúres bóliminiń basshysy Talǵat Bólegenov aıtyp berdi, dep habarlaıdy QazAqparat tilshisi.

Uqsas jańalyqtar
Júkti áıeldi óltirgeni úshin 20 jylǵa sottaldy - Pavlodar oblysy Aqmola oblysynda jergilikti turǵyndy atyp ketken malshy ustaldy Elordada qarjy pıramıdalarynyń qyzmeti kóptep taralýda

«Jalpy ınternet alaıaqtyq qylmysynyń 70 paıyzy onlaın saýdamen baılanysty. Mysaly, alaıaq áleýmettik jelide jalǵan akkaýnt ashady nemese ınternet resýrstar arqyly jalǵan habarlama beredi. Jalǵan habarlamaǵa senip qalǵan tutynýshylar alaıaqtyń quryǵyna túsip jatady. Taldaý kórsetkendeı, alaıaqtar negizinen uıaly telefon satý jáne jóndeý, áıelderdiń ishik-tony, altynnan jasalǵan buıymdar men avtomobıl qural-saımandary satylady degen jalǵan habarlama beredi. Odan bólek, qalada páter nemese ǵımaratty jalǵa berý, júrgizýshi kýáligin jasap berý boıynsha alaıaqtyq qylmys jıi oryn alyp jatady», - dedi Talǵat Bólegenov elordanyń Polıtsııa departamentinde ótken baspasóz máslıhatynda.

Sondaı-aq, bólim basshysy elordada krıptovalıýta boıynsha da alaıaqtyqtyń órship turǵanyn jetkizdi.

«Alaıaqtar adamdarǵa tirkelmegen nómirden habarlasyp, krıptovalıýtaǵa ınvestıtsııa quıyp jeńil tabys tabýdy usynady. Basynda az soma usynady, mysaly 100 dollar quısańyz, 200 dollar tabasyz dep arbaıdy. Sáıkesinshe jeńil tabystyń dámin kórgen adam qunyǵa bastaıdy. Onyń sońy alaıaqtyń arbaýyna túsýmen aıaqtalady. Páterdi jalǵan túrde jalǵa berý boıynsha da solaı. Jýyrda páter jalǵa beriledi degen jalǵan habarlama arqyly ońaı aqsha tapqan elorda turǵyny (Oral qalasynyń týmasy) ustaldy. Ol bógde páterlerdiń sýretin jarııalaý arqyly jalǵan habarlama berip 65 adamdy 6 mln-nan astam teńgege aldap soqqan. Búginde qylmysker ustalyp, jaýapqa tartyldy», - deıdi ol.

Sóz sońynda departament ókili elorda turǵyndaryn saq bolýǵa shaqyryp, jeke derekter men banktik esepshottaryn bógde kisige bermeýge keńes berdi.

Buǵan deıin habarlaǵanymyzdaı, elordada jyl basynan beri 3250 ınternet alaıaqtyq qylmysy anyqtalyp, ol boıynsha 100 adam ustaldy. Olar barlyq somasy 150 mln teńgege shyǵyn keltirgen.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT