+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Uıaly baılanys operatorlaryna tólem tolyq bir aıǵa jasalatyn tarıf qurý mindetteldi

2020 jylǵy 13 mamyr 17:09
Bólisińiz:
Uıaly baılanys operatorlaryna tólem tolyq bir aıǵa jasalatyn tarıf qurý mindetteldi

NUR-SULTAN. QazAqparat - Uıaly baılanys operatorlaryna tólem tolyq bir kúntizbelik aıǵa jasalatyn tarıftik jospar qurý mindetteldi, dep habarlaıdy QazAqparat QR Tsıfrlyq damý, ınnovatsııalar jáne aeroǵarysh ónerkásibi mınıstrligine silteme jasap.

QR Tsıfrlyq damý, ınnovatsııalar jáne aeroǵarysh ónerkásibi mınıstrligi uıaly baılanys qyzmetterin kórsetý qaǵıdalaryn ózgertti. Endi mobıldi operatorlar abonentterge ózge tarıftik josparlarmen qatar, tólem bir kúntizbelik aıǵa jasalatyn tarıftik jospardy da usynýy tıis.

Ózgertýlerdiń arqasynda abonentter tarıftik josparlardyń ishinen ózine qajetin tańdaı otyryp, ony tolyq bir aı paıdalana alady.

Mysaly, eger abonent tarıftik josparǵa aıdyń sońǵy kúni qosylsa onyń jeke shotynan baılanys qyzmeti úshin tólem kelesi aıdyń sońǵy kúni shegeriledi.

Sonymen qatar, atalǵan tarıftik jospardaǵy qyzmetter kólemi aıaqtalǵannan keıin operator abonenttiń kelisiminsiz qyzmettiń qosymsha kólemi úshin aqy ala almaıdy.

Munymen qosa, erejege «bazalyq tarıftik jospar» uǵymy engizildi. Bul tarıf abonenttik tólemdi talap etpeıdi, tek naqty paıdalanǵan mınýt nemese SMS sanyna ǵana tólem jasaı otyryp, qońyraý shalýǵa jáne SMS jiberýge múmkindik beredi.

«Bazalyq tarıftik jospar» abonent nómirdi basqa uıaly baılanys operatorynyń jelisine aýystyrǵanda (MNP qyzmeti), jańa tarıftik jospardy tańdap úlgermegende, sondaı-aq qoldanystaǵy tarıftik jospar áreket etýin toqtatqan jaǵdaıda qosylady.

Buǵan deıin uıaly baılanys operatory abonentte qandaı da bir tarıftik jospar bolmasa, ony ózderi abonenttiń kelisiminsiz kez-kelgen tarıftik josparǵa qosa alatyn.

Baılanys operatorlary «bazalyq tarıftik josparǵa» ózgeristi jylyna bir ret qana engize alady jánebul týraly ol abonentti naqty ózgeristerge deıin kúntizbelik otyz kún buryn habardar etýge mindetti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT