+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Úı janýarlaryn qorǵaý týraly qujat qoǵamda talqylanýda

2020 jylǵy 5 tamyz 12:21
Bólisińiz:
Úı janýarlaryn qorǵaý týraly qujat qoǵamda talqylanýda

NUR-SULTAN. QazAqparat – Janýarlardy qorǵaýdaǵy azamattyq bastamalardy qarjylandyrý ıdeıasyn ilgeriletý sharalary qabyldanady. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev málim etti, dep habarlaıdy QazAqparat tilshisi.

Uqsas jańalyqtar
«Kólsaı kólderi» ulttyq parkinde ekotýrızmdi damytý kontseptsııasy tanystyryldy Qazaqstannyń ekologııa mınıstri BUU-nyń bıoalýantúrlilik sammıtinde Úndeý jasady Orman ómirimniń ajyramas bólshegine aınaldy – Qaırat  Begimbetov

«Búgin biz Parlament Májilisiniń bir top depýtattary ázirlegen úı janýarlaryn qorǵaý týraly zań jobasyn qoǵammen talqylaýǵa jınalyp otyrmyz. Qazaqstanda janýarlardy qorǵaý týraly jańa zań jobasynyń qajettiligi áldeqashan jetilgen. Qazirgi ýaqytta barlyq janýarlarǵa, onyń ishinde, úı, jabaıy jáne aýyl sharýashylyǵy janýarlaryna jaýapkershilikpen qaraý týraly birde-bir zań joq. Janýarlarǵa qatygezdik kórsetken adamdar týraly habarlamalar áleýmettik jelilerde jıi kezdesip jatyr. Alaıda, búginde Qazaqstandaǵy janýarlarǵa qatygezdik kórsetkeni úshin taǵaıyndalatyn jaza tym jeńil. Sondyqtan, Memleket basshysy Qasym-Jomart Kemelulynyń tapsyrmasy boıynsha, birinshi kezekte, janýarlardy haıýanattar baǵynda ustaýǵa qoıylatyn talaptardy qatańdatýdy alǵa qoıyp otyrmyz. Sondaı-aq, janýarlardy qorǵaýdaǵy azamattyq bastamalardy qarjylandyrý, zoologııalyq volonterlikti qoldaý men oqýshylar, stýdentter arasynda da janýarlarǵa jaýapkershilikpen qaraý ıdeıasyn ilgeriletý sharalaryn qabyldaý josparda bar», - dedi mınıstr onlaın rejımde ótip jatqan talqylaýda.

Osy oraıda ol sońǵy kezderi janýarlarǵa qatygezdikpen qaraý faktileri qoǵamda keńinen talqylanǵanyn eske saldy.

«Shyn máninde problema óte kúrdeli. Zertteýlerge qaraǵanda, janýarlarǵa qatysty jasalǵan qatygezdik saldary keıinnen adamdarǵa da qatygezdikpen qaraý sekildi qaıǵyly jaǵdaılarǵa alyp keledi. ıAǵnı qoǵamda psıhıkasy buzylǵan adamdardyń paıda bolýyna yqpal etýi múmkin. Osy oraıda qoǵamda ónegelilik qaǵıdalaryn, barlyq janýarlarǵa jaýapkershilikpen qaraý normalaryn keńinen nasıhattaý kerek», - dedi M. Myrzaǵalıev.

Onyń sózine qaraǵanda, osy protseske qoǵamdy kóptep tartý kerek.

«Osy salada túrli jaǵymsyz kórinisterge naqty zańnamalyq tosqaýyl qoıýymyz kerek jáne zańdy buzǵandarǵa tıisti jazasyn berý qajet. Ózderińiz bilesizder, osy sıpattaǵy qylmystar úshin jaza óte jeńil. Sondyqtan ony qatańdatqan durys. Atap aıtqanda, atalǵan máseleni eskere otyryp, zań jobasyn jan-jaqty pysyqtaý úshin búgingi talqylaýdy uıymdastyrdyq. Osy oraıda zań jobasynyń normalaryn talqylaý men qalyptastyrýǵa belsendi qatysýǵa shaqyramyz», - dedi vedomstvo basshysy.

Eske sala ketsek, Memleket basshysy Qasym-Jomart Toqaev tabıǵatqa zııanyn tıgizgen zańbuzýshylarǵa salynatyn aıyppul qunyn ulǵaıtýdy tapsyrdy.

Sondaı-aq, Prezıdent tapsyrmasymen mektep baǵdarlamasyna «Balalardyń ekologııalyq bilimi» atty jańa pán engiziledi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT